Ribadeo, 13 de maio de 2019. O alcalde, Fernando Suárez, comunicoulle hoxe á empresa Begasa o malestar xerado entre a veciñanza tras os cortes de luz que se viñeron producindo nos últimos días na vila, o último deles esta mesma mañá. O rexedor subliña que non pode repetirse esta situación e manifesta que Begasa ten un sistema de cableado anticuado e deficiente e que os seus transformadores están a dar problemas.
Suárez Barcia declarou que “desde o Concello de Ribadeo querémonos facer eco das queixas motivadas e lexítimas que está habendo polos microcortes que Begasa, a empresa responsable do subministro eléctrico para esta comarca e para este concello, está producindo en Ribadeo”.
O rexedor dixo que “pensamos que isto sería unha cousa doutro tempo desde que está a subestación eléctrica funcionando en Ribadeo, pero o certo é que xunto con esta infraestrutura nova e moderna, Begasa ten un sistema de cableado un tanto deficiente e anticuado, e algúns dos seus transformadores tamén presentan problemas de cando en vez”.
Fernando Suárez manifestou: “somos conscientes de que nestes últimos tempos están intentando actualizar a rede que teñen de cableado máis deteriorado, pero acabamos de dialogar con eles para dicirlles que isto non pode ser. Non podemos estar permanentemente sufrindo microcortes, co trastorno que pode xerar nalgúns electrodomésticos que se poden estragar, e que xa que na factura eléctrica non se perdoa aos veciños nunca, por moitos microcortes que haxa, esta situación non pode ser así. É intolerable que siga existindo e de aí a nosa queixa e a reclamación que acabamos de transmitirlle formalmente a Begasa”.
O Alcalde fíxolle chegar hoxe a Begasa o malestar xerado entre a veciñanza de Ribadeo tras os continuos cortes de luz que se veñen producindo nos últimos días
Relacionado
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
