Burela 14-6-19. O derbi galego da Copa cae do lado do Ourense Envialia FSF, que conseguiu esta tarde o billete para semifinais da Copa da Raíña sobre Poio Pescamar FSF grazas ao gol de Lau Doce, a 37 segundos para a bucina. As de Morenín pelexarán mañá (ás 20.00 horas) por clasificarse para a final fronte ao gañador do último cuarto de hoxe, entre Peixes Rubén Burela FS e UA Alacante (20.30 horas).
Viviu a Bomboneira un duelo irmandiño moi equilibrado con defensa agresiva de ambos os equipos en primeira liña, acumulando faltas e que non sufriu alteración no electrónico durante a primeira parte. Antes do minuto 2 da segunda, Candela errou o impensable a pase de Chiki. Bea Seijas segundos despois tamén rozou o gol. Ourense reaccionou neste período máis enchufado ante a defensa en media pista das pontevedresas. Cando se prevía que habería que recorrer ao tempo extraordinario, Lau Doce, nun rexeite, selou o gol que valía unha semifinal, con resposta de cinco nas filas de Dani Díaz aínda que sen tempo para máis.
Ficha técnica
Ourense Envialia FSF: Vane, Chiky, Laura Doce, Marta, Sara Moreno, cinco inicial; tamén xogaron Candela, Judith Pedreira, Bea Seijas, Beira, María Estévez
Poio Pescamar FS: Silvia, Ale de Paz, Jenni Lores, Ceci, Dani, cinco inicial; tamén xogaron Carol, Jessi, Iria Saeta, Antía,
Goles:1-0, minuto 40, Lau Doce
Árbitros: Iglesias Alonso // Díaz Torrón. Por Ourense amarela Bea Seijas
Incidencias: Partido correspondente ao segundo cuarto de Copa de SM A Raíña (Burela, 14-16 de xuño), disputado en Vista Alegre ante unhas 500 persoas, co palco de autoridades presidido pola directiva da RFEF Natalia Orive. Pescados Rubén Burela FS, na figura do presidente, Manuel Blanco, quixo recoñecer a traxectoria de Bea Seijas, xogadora do Envialia Ourense, que colgará as botas esta tempada logo de nin máis nin menos ca 28 anos en Primeira División RFEF.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
