Ribadeo, 3 de xullo de 2019. Do 5 ao 7 de xullo celébrase a sexta feira ribadense do libro Letras no campo. Participarán un total de oito librerías e tamén estará presente o servizo de publicacións da Deputación de Lugo. A concelleira de Cultura, Pilar Otero, salientou que, ademais das tradicionais presentacións de libros, haberá música, teatro e obradoiros para nen@s.
A edil dixo no acto de presentación que tivo lugar esta tarde na Biblioteca El Viejo Pancho: “quero comezar agradecendo o traballo feito aos técnicos de Cultura do Concello de Ribadeo, a todo o persoal que está implicado nesta organización e ao anterior concelleiro de Cultura, Farruco Graña, e por suposto agradecer a colaboración das librerías participantes”.
Pilar Otero destacou que “buscando a variedade na oferta, tratamos de conxugar tanto librerías da zona como Librería Anticuaria Galgo, Portobello Market, Librería Vivín, Gráficas Santiago, Pícaros Mundi e Librería Bahía, como doutros lugares de Galicia e outros xeitos de traballar como por exemplo a autoedición. Así contamos coa presenza da Editorial Embora da Coruña, Cristina F. Q.-Criscrascrus de Santiago de Compostela ou o servizo de publicacións da Deputación de Lugo”.
A concelleira de Cultura sinalou que “vai ter lugar este encontro coas letras este venres 5, sábado 6 e domingo 7. Son tres días de libros, pero non só libros xa que queremos transmitir unha visión global do libro como instrumento para abrir a mente, como ferramenta para fomentar o pensamento crítico ou para abrirse ao mundo e chegar a outros mundos. Por iso sempre procuramos traer xéneros diversos, por exemplo este ano contamos con novela negra como Beleza Vermella de Arantza Portabales, ensaio e divulgación tanto científica como non científica como o Diccionario da Comida Galega de Baixeras, etc…”.
Pilar Otero declarou que “se trata ademais de crear un ambiente festivo arredor da feira xa que, co cartel e co propio título, xogamos con esa imaxe e ese vínculo dos libros e o campo como lugar de encontro e distracción para os pícaros e os non tan pícaros, que segue manténdose ao longo dos anos. Por iso na programación poden verse o que chamamos divertimentos, que son momentos nos que combinamos libros con outras formas de ocio, por exemplo a través da música, da representación teatral dun fragmento dun libro de Ánxel Fole ou mesmo un obradoiro de cociña para nenos”.
A edil ribadense subliñou que “hai un coidado especial na programación para atraer ao público infantil porque nesta etapa é onde sentimos que hai que reforzar o fomento da lectura, xa que pretendemos xerar novos lectores que poidan seguir acudindo a esta feira de Letras do Campo nos vindeiros anos”.
Otero quixo “realzar a achega local coa presentación de autores ribadenses como Juan López Rico, Xavier Baixeras e Lorenzo Fernández Prieto, pero tamén comarcais como Paco Rivas e David Val de Foz, ou David Díaz e Diana Fernández, e mesmo a pregoeira deste ano, Olalla Cociña de Viveiro. Desexamos que todos se animen a participar nesta sexta feira ribadende Letras do Campo, e quero dar moitas grazas de novo a todas as librerías participantes”.
Do 5 ao 7 de xullo celébrase a sexta feira ribadense do libro Letras no Campo. Nesta edición haberá música, teatro e obradoiros para nen@s
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
