Esta luns as monitoras do Centro de Educación Ambiental Gaia, do Concello de Burela, realizaron na praia de O Perdouro unha actividade titulada Baralla Mariña. Os participantes utilizaron unha baralla realizada con debuxos de obxectos do lixo máis frecuente que se atopa no mar (cabichas, botellas e bolsas de plástico, etc) para analizar a súa procedencia

As monitoras de Gaia explicaron que “con esta actividade preténdese promover nos participantes unha actitude crítica fronte ás agresións do medio mariño e que contribúan á súa conservación e mellora e identificar os tipos de residuos atopados no litoral, indicando a súa procedencia”. Os asistentes atenderon as explicacións das monitoras sobre as diferentes formas de contaminación mariña e os seus efectos sobre os ecosistemas e a nosa paisaxe.