Burela, 29 de xullo de 2019. O concelleiro de Deportes, Ramiro Fernández Rey, salientou a alta participación rexistrada no Memorial de Tenis José Luis Yebra, que rematou onte coa entrega de trofeos aos gañadores.
O edil burelés dixo que “un ano máis se volveu celebrar o Memorial José Luis Yebra de Tenis Torneo Concello de Burela e estamos encantados tanto coa participación como co nivel dos participantes. Foi un torneo no que houbo moita calidade nos xogadores e desde o Concello estamos encantados de apoiar este tipo de iniciativas. Foi a quinta edición e esperamos que o ano que ven poida ser a sexta dun torneo que xa está máis que consolidado no calendario tenístico da zona”.
Fernández Rey tivo palabras de agradecemento para a organización “neste caso ao Club de Tenis Burela, polo magnífico traballo feito e dicir que poden seguir contando con nosoutros de cara a novas edicións porque seguiremos apostando por este torneo”.
O concelleiro de Deportes destacou “sobre todo a participación e tamén que houbo moita xente que estaba veraneando pola zona e que se animou a acudir a este evento. A final foi de moito nivel, entre Rubén e Veiga. Despois tivemos a entrega de trofeos. O Concello estivo colaborando con este torneo e imos seguir participando en todo este tipo de eventos, xa que entendemos que é bo para o deporte de Burela e para traer xente de fora a participar nestes torneos, e disfrutar destas marabillosas instalacións deportivas que estamos conseguindo”.
Na categoría Sub 15 a campioa foi Valentina Blanco; na categoría de 16-17 anos o gañador foi Alejandro Tripiana; en dobres os vencedores foron Chus e Rubén; o trofeo de consolación absoluto foi para Alejandro Tripiana; e como campión individual absoluto proclamouse Rubén Blanco.
No acto de entrega de premios polo Concello participaron o alcalde, Alfredo Llano, e o concelleiro de Deportes, Ramiro Fernández.
A Concellería de deportes salienta a alta participación no memorial de tenis José Luis Yebra
-
AnteriorEsta luns as monitoras do Centro de Educación Ambiental Gaia, do Concello de Burela, realizaron na praia de O Perdouro unha actividade titulada Baralla Mariña. Os participantes utilizaron unha baralla realizada con debuxos de obxectos do lixo máis frecuente que se atopa no mar (cabichas, botellas e bolsas de plástico, etc) para analizar a súa procedencia
-
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
