Ribadeo, 8 de xullo de 2019.- Na última década a Xunta formou a máis de 64.300 persoas en materia agrícola e gandeira nos distintos centros de formación e experimentación agroforestal (CFEA) que ten a Consellería do Medio Rural, a través da Axencia Galega da Calidade Alimentaria (Agacal). Estes datos valoráronse durante a visita do conselleiro do Medio Rural, José González, ao Centro de Formación e Experimentación Agroforestal (CFEA) Pedro Murias, en Ribadeo, con motivo da presentación do novo ciclo medio de Formación Profesional de Agroecoloxía.
Alí, José González sinalou que esta nova oferta formativa, de 2.000 horas lectivas, impartirase desde o próximo curso no CFEA Pedro Murias de Ribadeo, en modalidade ordinaria e durante dous anos. Ademais, tamén se ofertará no centro de Sergude (no concello de Boqueixón), en oferta modular polo réxime de persoas adultas e que chegará a tres anos, a petición do propio sector. Este último caso vai enfocado a persoas que xa están integradas no mundo laboral, de tal forma que se lles facilita o acceso a este título completo ou, simplemente a parte das materias (módulos), co que disporán de diplomas acreditativos habilitantes.
Respecto á saída laboral, o titular de Medio Rural explicou este ciclo permitirá ás persoas que o cursen, incrementar as súas posibilidades de emprego traballando en todos os ámbitos da produción ecolóxica. Así, poderán traballar nos eidos hortícola, frutícola, gandeiro, de planta e xardinaría, etc. Máis en concreto, os estudantes poderán desempeñar ocupacións en ecolóxico como agricultor, criador de gando, avicultor e apicultor, produtor de leite e ovos, viveirista, entre outros. É dicir, unha gran oferta coa que, segundo indicou José González, a consellería aposta polo emprego cualificado e ben valorado no rural e contribuír cunha Galicia verde e sostible.
Neste senso, o titular de Medio Rural avanzou que, en colaboración co Craega, vanse a celebrar varias xornadas informativas para dar traslado a todos aqueles interesados e a profesionais da agricultura ecolóxica do contido dos diferentes cursos, así como as saídas laborais que poidan ter.
Balance
Durante a súa intervención, o conselleiro quixo facer balance do traballo feito e indicou que ao longo destes dez últimos anos uns 1.220 alumnos cursaron ciclos formativos de grao medio e superior de Medio Rural, en colaboración coa Consellería de Educación, Universidade e Formación Profesional. Así, en materia agrícola e gandeira, o grao máis demandado foi o de Aproveitamento e conservación do medio natural, con 318 alumnos inscritos nesta última década. Este grao medio impártese nos centros de Sergude (concello de Boqueixón), no de Becerreá e no de Lourizán, situado no concello de Pontevedra. Ante estas cifras, o conselleiro valorou a cualificación do sector primario galego e declarou que “Galicia ten na mocidade, na innovación e na economía verde o seu camiño de futuro”.
Por detrás do mencionado ciclo de Aproveitamento e conservación do medio natural, o ciclo superior de Xestión forestal e do medio natural é o máis demandado, con 313 estudantes inscritos neste período. Este grao impártese nos centros de Becerreá e no de Lourizán. O conselleiro tamén explicou que ten unha gran acollida polos mozos o ciclo superior de Paisaxismo e medio natural que se imparte no CFEA de Guísamo, no concello coruñés de Bergondo, con 178 alumnos matriculados.
Así mesmo a oferta complétase cos ciclos medios de xardinaría e floraría, con 168 alumnos inscritos nesta última década; co de produción agropecuaria, con 109 estudantes; e co de aceite de oliva e viños, con 47 alumnos, entre outros. A maiores, e desde o ano 2016, impártese tamén no centro de Sergude o grao superior de Gandaría e asistencia en sanidade animal, que xa contou coa participación de 70 mozos.
Reciclaxe dos profesionais
Por outra banda, a Consellería do Medio Rural tamén ofrece formación continua ao persoal do sector agrogandeiro. Esta ensinanza realízase mediante cursos de fitosanitarios, de benestar animal e de incorporación á empresa agraria, entre outros. Así, dende 2009 impartíronse un total de 2.881 cursos que contaron coa participación de 63.102 persoas. O curso máis demandado nos últimos tres anos foi o de incorporación á empresa agraria, con máis de 8.600 persoas inscritas.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
