Lugo, 22 de agosto de 2019. O Deputado de Deportes, Efrén Castro Caloto, participou este xoves na presentación da II Copa Deputación de fútbol sala e da XXXVII Copa Deputación de fútbol, eventos deportivos nos que participarán 112 equipos da provincia. Durante o acto, que se celebrou no Salón de Actos do Pazo de San Marcos, o Deputado estivo acompañado polo presidente e o vicepresidente da Federación Galega de Fútbol, Rafael Louzán Abal e Carlos Méndez Moreira, respectivamente. Como en edicións anteriores, o organismo provincial resposta ás peticións dos clubs, asumindo os custos de arbitraxes e desprazamentos.
Castro Caloto explicou que a Copa Deputación “é unha gran oportunidade para o desenvolvemento do tecido deportivo da provincia, na que os equipos pequenos adquiren moita visibilidade”.
XXXVII Copa Deputación de Fútbol
Na Copa Deputación de fútbol serán 78 os equipos masculinos das categorías 3ª, 2ª, 1ª e Preferente os que competirán, así como 6 equipos femininos. Este ano, como novidade, a Copa Deputación de Fútbol celebrarase desde setembro, e durará a maior parte da tempada, intercalando os partidos en xornadas de descanso dos equipos e días festivos. Trátase dunha petición dos clubs que equipara a temporada ás categorías profesionais, rematando a mediados de maio.
II Copa Deputación de Fútbol sala
A competición de Futsal terá lugar a principio de tempada. A xornada inaugural será o sábado 31 de agosto e o domingo 1 de setembro, mentres que a final xogarase o 1 de novembro.
O Deputado de Deportes destacou que se repite “o éxito da primeira edición da Copa Deputación de fútbol sala, pois este ano participarán 28 equipos, 18 na categoría masculina e 10 na feminina, demostrando así a gran aceptación que ten a iniciativa”.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
O curso, impulsado polo Principado de Asturias, desenvolverase en modalidade semipresencial con sete sesións presenciais na Sala El Pajar de As Quintas (A Caridá), en horario de 16:00 a 19:00 horas. A formación é de nivel básico e está aberta tanto a persoas sen experiencia previa como a quen queira iniciarse na fala. As inscricións poden realizarse a través da plataforma da Federación Asturiana de Concejos. O Concello destaca que esta iniciativa contribúe á preservación do patrimonio lingüístico e cultural do territorio.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
