Lugo, 25 de agosto, 2019. Dende o Partido Popular da provincia de Lugo destacan “os preto de 500.000 euros que o Goberno galego dirixe a 44 comunidades de montes veciñais en man común, agrupacións e mancomunidades ou Sociedades de Fomento Forestal (Sofor) dun total de 14 municipios da zona centro”.
Trátase de “importantes apoios”, segundo os populares, que ofrece a consellería de Medio Rural aos titulares de montes veciñais en man común, agrupacións e mancomunidades ou Sociedades de Fomento Forestal (Sofor) en concepto de axudas cofinanciadas co Fondo Europeo Agrícola de Desenvolvemento Rural (Feader) dirixidas á prevención de danos causados nos montes polos incendios, desastres naturais e catástrofes.
Son subvencionables os labores de control selectivo de combustible forestal e a construción de puntos de auga; xa que o obxectivo da convocatoria da Xunta é o de “contribuír a minorar os impactos negativos que os incendios forestais poidan provocar sobre a capacidade produtiva dos montes e, tamén, a garantir a protección axeitada para a fauna, a flora e a paisaxe”.
Así, dende os Grupos Municipais do PP destacan a importancia deste tipo de axudas que “contribúen a manter limpos os nosos montes de cara á prevención de incendios ou, polo menos, para tratar de ralentizar a propagación de posibles lumes”.
Comunidades beneficiadas
Os máis de 495.000 euros beneficiarán a un total de 44 solicitantes. Deles ata 38 comunidades poderán sufragar os costes dos labores de roza; mentres que catro construirán puntos de auga. Ademais, dúas comunidades de Friol –Xia e Ousá- solicitaron ambas as dúas liñas de actuación.
A comarca da Montaña recibirá máis de 174.000 euros que se destinan a unha comunidade de Baleira, dúas de Baralla, seis de Cervantes, dúas da Fonsagrada, tres de Pedrafita do Cebreiro e unha das Nogais. Pero a esta suma hai que engadir tamén os 163.000 euros que recibirán 16 comunidades do municipio de Navia de Suarna dirixidas á limpeza de montes.
As achegas da Xunta ás comunidades da comarca de Lugo ascende a máis de 122.600 euros. O municipio de Castroverde verase beneficiado cunha axuda de máis de 7.800 euros dirixidos á comunidade de Meda. Catro comunidades do concello de Friol recibirán algo máis de 71.500 euros e, no caso de dúas delas, desenvolveranse as dúas actuacións subvencionadas. Á CMVMC de Vilamaior de Negral, de Guntín, fóronlle concedidas axudas por valor de máis de 11.000 euros para realizar labores de desbroce. No municipio lugués o Goberno galego sufragará os costes de limpeza de montes en Vilachá de Mera e a construción dun punto de auga en Teixeiro con 19.800 euros. En Portomarín a comunidade solicitante foi a de Vilaxuste que recibirá máis de 12.00 euros.
Á comarca da Ulloa o Goberno galego destina máis de 35.800 euros dos que se benefician tres comunidades de Monterroso e unha de Palas de Rei. Nos catro casos, as axudas permitirán sufragar labores de roza.
A porcentaxe subvencionable das accións que deseñan previamente os propios solicitantes a través dun plan de traballo pode alcanzar o 100% do seu custe polo que as comunidades beneficiarias só deberán achegar o IVE. En total, o departamento de Medio Rural destina máis de 1.130.000 euros á nosa provincia dos que se benefician 126 solicitantes. Algo máis dun millón diríxense á limpeza de montes e 130.000 euros á construción de puntos de auga.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
