Cervo, 28 de Agosto, 2019. Tras a xuntanza do BNG co comité de empresa de ALCOA para analizar as consecuencias da redución da produción de aluminio na factoría da Mariña, a portavoz nacionalista, Ana Pontón trasladou o apoio do BNG ao colectivo de taballadores e traballadoras e responsabilizou ao Partido popular e PSOE da medida.
Pontón manifestou a súa preocupación polo futuro da empresa, cunha redución do 11% da produción durante este ano, e advertiu que se non existe un marco enerxético estable competitivo, a situación pode agravarse e afectar ao emprego.
O problema de ALCOA, afirmou, precisa dunha solución inmediata e nesa liña anunciou que o BNG presentará iniciativas no Parlamento, Deputación de Lugo e concellos afectados para buscar unha alternativa que garanta a estabilidade na factoría, “motor económico da Mariña e con gran incidencia no sector industrial galego”.
A portavoz do BNG pediu á “Xunta que non se poña de perfil” ante un problema que non só afecta a ALCOA senón que, explicou, ten consecuencias para a industria electrointensiva no noso país. A situación, dixo, “ten responsabilidades políticas directas do Partido popular que creou un marco enerxético que impide competir con empresas do entorno europeo e internacional” pero tamén do “Partido popular que goberna a Xunta e ten competencia en industria”. Por outro lado, engadiu, o Partido Socialista prometeu un “estatuto” para as industrias electrointensivas antes das eleccións de abril e no mes de agosto seguimos sen unha solución. “Sentimos enganados e enganadas polo Partido Socialista” e o seu desinterese polo futuro industrial do noso país, remarcou a portavoz do BNG.
En Galiza non podemos permitirnos perder un só posto de traballo polo custe da enerxía porque ademais somos exportadores e resulta paradóxico que as empresas eléctricas sigan engordando os seus beneficios e “facéndose de ouro” mentres a enerxía en Galiza non redunda en emprego e futuro para os traballadores e traballadoras de ALCOA.
MESA DE NEGOCIACIÓN E INICIATIVAS INSTITUCIONAIS
O BNG, asegurou Pontón continuará traballando para acadar unha solución ao problema enerxético, un problema, dixo, que pasa pola “defensa dunha tarifa eléctrica galega, un estatuto para as industrias electrointensivas cun prezo competitivo e o compromiso desas empresas de investir e garantir emprego”.
A portavoz do BNG reiterou que a Xunta non pode poñerse de perfil “nin botar balóns fóra” polo que propuxo crear unha “Mesa de negociación con presenza da Xunta, Alcoa e comité de empresa” para paralizar a redución da produción e non poñe en perigo 2.000 empregos. Dende o BNG levaremos a situación de Alcoa ao primeiro pleno do Parlamento galego, no mes de setembro, porque hai que tomar decisións e abandonar a política de “espectáculo e propaganda”. A crise política do estado está a crear “graves problemas en Galiza” e necesitamos solucións.
Á xuntanza da portavoz nacional do BNG co comité de empresa de ALCOA tamén asistiron: a deputada do BNG por Lugo, Olalla Rodil, a alcaldesa de Barreiros, Ana Ermida e membros do consello comarcal do BNG na Mariña.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
