Viveiro, 24 de agosto de 2019.- O delegado territorial da Xunta en Lugo, José Manuel Balseiro saíu ao paso das declaracións efectuadas onte pola alcaldesa de Viveiro, María Loureiro, lembrando que non é posible acusar de sectarismo político á Xunta de Galicia cando está disposta a poñer máis de 7 millóns de euros para a mellora do saneamento da ría de Viveiro e, todo iso, a pesar de ser este servizo unha competencia e responsabilidade exclusiva municipal.
O delegado territorial sinala, non obstante, que a celeridade que a alcaldesa sempre reclama á Xunta debera aplicala para si mesmo, xa que logo lembra que é o Equipo de Goberno municipal quen está retrasando o proxecto e, polo tanto, pídelle transparencia e que non engane á cidadanía.
“As datas falan por si mesmo. O 9 de maio a Xunta trasladou ao Concello de Viveiro o proxecto técnico para ampliación da EDAR e non foi ata o 19 de xullo –máis de dous meses despois- cando a alcaldesa someteu o proxecto a información pública. ¿Por que perdeu todo este tempo? ¿Non hai interese no Goberno local en que se vexa que a Xunta inviste en Viveiro?”- preguntou Balseiro
Desde a Xunta reiteran a petición formulada no día de onte e piden que Viveiro axilice a entrega da documentación municipal necesaria para poder licitar as obras de mellora da estación depuradora, orzamentadas en 4 millóns de euros, e ás que hai que sumar un proxecto complementario como é a construción do emisario que elevaría o investimento da Xuntan en obras hidráulicas neste municipio ata superar os 7 millóns de euros.
O Executivo autonómico conta coa partida orzamentaria para executar estas actuacións, xa que os proxectos están incluídos no programa de fondos europeos FEDER. Neste sentido, cómpre que tanto a Administración local como a estatal (que ten a última palabra na autorización definitiva das obras do emisario) tamén axilicen os trámites da súa competencia co fin de avanzar cara a mellora do saneamento na ría, que é unha prioridade para a Xunta.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
