Trabada, 3 de agosto de 2019. A localidade de Trabada recupera a súa antiga escola unitaria grazas ás obras de rehabilitación deste antigo inmoble escolar apoiadas pola Xunta cunha achega de 242.000 euros, o cen por cen do custe destes traballos.
Unha vez concluída a rehabilitación, as instalacións xa están listas para que comece a montaxe do museo etnográfico e dun punto de información turística, que darán “nova vida” a un inmoble ata que, ata este momento, atopábase deteriorado e en desuso.
O delegado territorial da Xunta en Lugo, José Manuel Balseiro, comprobou o remate dos traballos que se desenvolveron no último ano e que transformaron por completo a escola, que retoma a súa volumetría orixinal, sen os edificios anexos.
“A recuperación desta antiga escola, sumada aos novos usos que se pretenden dar ás instalacións, contribuirán a poñer en valor un espazo emprazado en plena ruta norte do Camiño de Santiago, que se suma e enriquece os atractivos turísticos de Trabada”, dixo Balseiro.
Rehabilitación integral
A achega económica da Consellería de Medio Ambiente, Territorio e Vivenda foi decisiva para acometer a rehabilitación integral dun inmoble no que se actuou por completo en todos os seus espazos: cuberta, interiores e fachada.
O proxecto incluíu a reconstrución total dun dos espazos máis significativos da antiga escola, os soportais dianteiros, así como a adaptación dos aseos, na planta baixa, para habilitalos para o seu uso por persoas con mobilidade reducida, mellorando a súa accesibilidade.
O investimento responde a un programa de axudas da Xunta dirixido aos concellos e orientado a crear ou mellorar os equipamentos e infraestruturas urbanas, co fin de frear o despoboamento mellorando o benestar e a calidade de vida da poboación.
Co apoio económico da Xunta, que chega ao cen por cen do custe das obras, o Concello non ten que asumir ningún custe salvo derivado da elaboración do proxecto técnico e a dirección facultativa da obra.
A memoria contou co apoio da administración autonómica, que tamén valorou o feito de transformar a escola unha vez rehabilitada en centro expositivo e de información turística.
Trabada dispón de abundante material histórico, desde apeiros ata utensilios de pesca, unha colección de máquinas de coser e unha reprodución da escola dos anos 40. Boa parte deste patrimonio material foi doado ao Concello por un veciño, José Rocha, e terá agora un espazo para mostrar este legado.
Balseiro concluíu salientando a dobre utilidade da recuperación da escola, “non só polo valor de rehabilitar un inmoble histórico destas características, senón porque servirá como punto de referencia das tradicións, historia e cultura propias da localidade, para dalas a coñecer ás novas xeracións de veciños e aos que visiten a localidade”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
