A Mariña, 4 de setembro, 2019. As obras de reforma integral e mellora da eficiencia enerxética que se están a desenvolver nos centros educativos da Mariña luguesa (CEIP Nº1 de Foz, CEIP Virxe do Carme de Burela e CEIP de Cervo) execútanse ao ritmo previsto. Mantense, sen novidade, a data de comezo do curso escolar, establecida o 11 de setembro para o alumnado matriculado en 2º ciclo de infantil, en primaria e en educación especial.
O equipo técnico da Consellería, en coordinación coas empresas adxudicatarias das obras e cos equipos directivos dos centros, deron prioridade ás obras que afectan ao interior das instalacións, aulas e espazos docentes precisamente para que estean listos de cara ao inicio do curso. Poden continuar algúns traballos no exterior (fundamentalmente as fachadas dos centros) ou pequenos remates no interior das instalacións, que en ningún caso interferirían na actividade ordinaria dos colexios.
Os equipos directivos dos centros informan puntualmente á comunidade educativa (nais, pais e alumnado) sobre o calendario, datas e horarios relativos ao novo curso que, cómpre insistir, non están previsto que sufran ningún cambio.
O Goberno galego está a facer un importante esforzo inversor nestas tres obras, con achegas que superan o 2,6 millóns de euros, con cargo aos fondos do superávit 2018
As contías desgregadas son as seguintes:
•No CEIP Nº 1 de Foz: 943.380,87 euros (contía de adxudicación) a cargo da empresa OGMIOS PROYECTO, S.L.
•No CEIP de Cervo: 815.989,38 euros (contía de adxudicación) a cargo da empresa OGMIOS PROYECTO, S.L.
•No CEIP Virxe do Carme de Burela: 860.297,90 euros (contía de adxudicación) a cargo da empresa CONSTRUCCIONES JESUS NARAY, S.L.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Conta con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibirán as súas pezas de tornería en madeira. Tamén acolle a XVIII edición da Exposición CONtornos. Entre os participantes, destaca a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Estímase que ata o domingo se acheguen a esta mostra internacional uns 5.000 visitantes, principalmente provintes de toda Galicia e tamén de Portugal.
O horario será o seguinte: Martes, 20 de outubro: de 9:00 a 13:30 horas e de 15:15 a 18:00 horas. Mércores, 21 de outubro: de 9:00 a 13:30 horas. As persoas interesadas poden solicitar cita previa a través do teléfono 981 92 80 80 ou da páxina web 
A competición celebrarase entre o 24 e o 27 de setembro en Las Vegas, e Julia Cabarcos emprenderá esta mesma tarde a viaxe cara aos Estados Unidos para afrontar a súa participación na categoría Women's Physique.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
