Santiago, 11 de setembro de 2019.- A portavoz de Enerxía do Grupo Popular, Marta Nóvoa, criticou hoxe “o cinismo e a falta de vergoña dos socialistas galegos, capaces de apoiar hoxe no Parlamento galego unha proposición non de lei solicitando medidas urxentes para as empresas electrointensivas, en especial Alcoa, cando levan cinco meses de promesas incumpridas desde o Goberno central socialista nos que ata chegaron a dar por solucionado este problema”.
O Parlamento de Galicia aprobou hoxe, co voto favorable do Grupo Popular, unha nova proposición non de lei a través da que se insta á Xunta a constituír unha mesa de negociación con Alcoa e o Comité de Empresa de San Cibrao para demandar a activación das cubas en suspenso e velar polo mantemento do emprego e da actividade industrial, en tanto se mantén a actual situación de declive industrial e inestabilidade nos prezos da enerxía. “Esta demanda xa foi recollida polo propio Presidente da Xunta, logo dunha xuntanza que mantivo co Comité de Empresa, e será trasladada ao Goberno central de xeito inmediato”, concretou.
Así mesmo, demándase ao Goberno central medidas urxentes respecto do marco enerxético co fin de paliar a crise da industria electrointensiva galega. En concreto, pídese a aprobación inmediata do estatuto de electrointensivas, a planificación da substitución do sistema de poxa de interrumpibilidade por unha regulación estable que permita prezos competitivos no sector con compromisos no mantemento do emprego; e a consideración, no futuro sistema enerxético, do papel de produtor de Galicia, que deberá ser beneficiada polos custes ambientais e sociais de soportar a xeración.
Marta Nóvoa saudou que os socialistas galegos “se poñan do lado dos traballadores de Alcoa demandando medidas aos seus compañeiros no Goberno central para o mantemento do emprego nesta empresa e solicitando a aprobación dun novo estatuto para as electrointensivas”, pero subliñou que “os traballadores, e os galegos en xeral, estamos fartos de promesas baleiras e queremos feitos xa”.
SEN SOLUCIÓN PREVISTA
Neste sentido, lembrou que o propio Pedro Sánchez anunciou nun mitin en A Coruña o pasado mes de abril que o problema de Alcoa estaba solucionado, pois o estatuto da industria electrointensiva se aprobaría dous días antes das eleccións xerais. “Tiveron a desvergoña de volver atrás esta promesa e deixar de novo aos traballadores de Alcoa e das demais industrias electrointensivas sen solución, unha situación que manteñen ata o día de hoxe sen previsión de que teñan previsto resolver o problema”, lamentou.
“O Goberno de Pedro Sánchez ten que asumir a súa responsabilidade e ofrecer un marco enerxético estable, que ofreza un prezo competitivo á industria electrointensiva e que lle permita competir en igualdade de condicións co resto de Europa”, sinalou.
Neste sentido, lembrou que “Alcoa xa pasou por momentos de dificultade noutras ocasións con gobernos do PP, pero sempre se atopou unha solución”. “Agora tócalle aos socialistas, tanto galegos como no Goberno central, que asuman a súa responsabilidade e atopen unha solución para o prezo da electricidade”, engadiu.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
