Burela, 9 de outubro de 2019. A vindeira semana coñecerase o nome da empresa que se fará cargo da limpeza viaria e da recollida do lixo, segundo deu a coñecer hoxe o alcalde, Alfredo Llano. Cinco foron as firmas que presentaron as súas ofertas para traballar en Burela.
O rexedor explicou que “hoxe abrimos o sobre das ofertas de 5 empresas que queren traballar no Concello de Burela para a limpeza viaria e a recollida de lixo, para o que estamos agora na fase de licitación. Son cinco empresas que levaron todas elas o informe técnico onde se fixeron as valoracións e agora coa apertura do sobre da oferta económica vaise estudar todo xunto, co informe técnico e máis oferta económica, e a finais da semana que vén unha destas cinco empresas será a elixida, tendo en conta as razóns técnicas e a oferta económica. Así que xa fixemos o traballo que levábamos tempo querendo facer, que era abrir este sobre C despois de facer a valoración técnica cunha puntuación que se dá segundo unhas bases que se redactaron”.
Alfredo Llano tamén se referiu esta tarde ao pavillón polideportivo: “tamén fixemos a apertura de sobres das catro ofertas que hai para arranxar o pavillón polideportivo e adaptalo ás esixencias da Liga de Fútbol Profesional. Agora estase redactando o informe técnico, onde aparecerán as valoracións a cada unha delas, de acordo sempre coas bases da proposta e despois tamén se abrirá o sobre C, para ver as ofertas económicas de cada unha desas catro empresas. Polo tanto para a semana que vén posiblemente tamén saibamos cal desas catro empresas que optan a realizar este proxecto executivo da mellora do pavillón Vista Alegre será elixida”.
Xunta local de seguridade
O alcalde anunciou que vai solicitar a celebración dunha xunta local de seguridade en Burela: “a ninguén lle pasa desapercibido que ultimamente, tanto en Burela como noutros sitios da comarca da Mariña, de Lugo e de Galicia, hai cada vez máis actos violentos, de intimidación, de roubos ou de pelexas, de inseguridade en xeral. No concello de Burela nunca houbo esta intensidade de actos violentos polo que xa tiven reunións coas forzas de seguridade, tanto coa Garda Civil como coa Policía Local, para intentar volver a normalizar outra vez a situación no noso concello e, extensivamente, para toda a comarca. Farei un petición para que se reúna en Burela a xunta de seguridade co obxectivo de buscar posibles solucións e analizar os motivos que hai para que estes incidentes se reproduzan cada fin semana. Canto antes intentemos normalizar a situación moito mellor”.
Llano dixo que “o Concello está preocupado e xa hai tempo que tivemos estas reunións. Imos tratar de unificar criterios facendo unha xunta de seguridade o antes posible. Pero desde o Concello xa estamos estudando as mellores fórmulas para minimizar estes impactos violentos que se están a producir”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
