Viveiro, 31 de outubro de 2019. O domingo 3 de novembro terá lugar unha nova manifestación para pedir un mellor prezo na enerxía para a fábrica de Alcoa en San Cibrao; dende o concello quérese realizar un chamamento público para animar a todos os veciños de Viveiro e da comarca da Mariña a sumarse a esta manifestación coa pretensión de garantir a continuidade de Alcoa e o seu futuro na comarca, como eixe esencial do tecido económico da zona.
O problema de Alcoa desgrazadamente non é unha novidade, xa levamos moitos anos con esa preocupación, e o concello de Viveiro xa participou, hai tempo, en manifestacións e concentracións amosando o seu apoio aos traballadores e á permanencia da fábrica.
O Goberno Central deu pasos importantes neste último ano e medio; a aprobación de 25 millóns de euros para Alcoa San Cibrao en compensión polo CO2 non soluciona o problema, pero é unha bomba de osíxeno ante esta situación. Sabemos que a solución é un estatuto electrointensivo e este goberno xa fixo o borrador, que non puido ser aprobado por atoparse en funcións, e a aprobación definitiva non depende só deles, senón tamén da Comisión Europea.
O Concello de Viveiro sempre mostrou o seu total apoio aos traballadores de Alcoa, conscientes do impacto social e económico desta empresa na comarca e convencidos da necesidade da implicación de todas as administracións; sempre estivemos á súa disposición para realizar todas e cantas xestións estiveran ao noso alcance para garantir os postos de traballo e, nesta liña, consideramos que o vindeiro domingo todos e todas debemos saír a rúa para defender o futuro de Alcoa. Agardamos que a resposta sexa masiva e que a Praza Maior de Viveiro sirva de exemplo do sentir popular, que preocupa e afecta a todos.
Aprovéitase a ocasión para lembrar que a manifestación referida afectará ao tráfico rodado, que sufrirá cortes de tráfico durante o seu percorrido. A manifestación partirá ás 12:00 do Casino en dirección á Porta de Carlos V, seguindo pola Travesía da Mariña ata a Praza de Lugo, para vir pola rúa Pastor Díaz ata a Praza Maior.
A alcaldesa
María Loureiro García
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
