Burela, 19 de outubro de 2019. Recepción esta mañá no Concello de Burela a Nito Valle, pola súa proclamación como campión de Europa coa selección española sub 19 de fútbol sala.
O concelleiro de Deportes, Ramiro Fernández, dixo que “desde o Concello de Burela queremos facerlle un pequeno recoñecemento, entregándolle unha placa protocolaria, a Nito Valle, que se acaba de proclamar hai unhas semanas campión de Europa co equipo da Selección española sub 19 de fútbol sala”.
O edil burelés manifestou que “é un orgullo para nosoutros ter un campión de Europa porque non é nada fácil. E Nito con todo ese traballo que leva feito desde as categorías inferiores do Burela Fútbol Sala conseguiu chegar á selección e ademais proclamouse campión de Europa, co cal isto é un recoñecemento desde o Concello de Burela, en representación de todos os veciños, para ese traballo feito e ese título conquistado”.
Fernández Rey contou que “Nito é un xogador que agora mesmo está cedido no Santiago Fútbol Sala, pero pertence ao Burela Fútbol Sala e durante toda a súa etapa nas categorías inferiores estivo xogando no Burela FS e incluso chegou a debutar co primeiro equipo. Esperamos que nos próximos anos, despois desta etapa que está pasando no Santiago Fútbol Sala, poida volver a Burela e triunfar no primeiro equipo, como supoño que todo o mundo quere”.
O concelleiro de Deportes engadiu: “reiterar os parabéns a Nito polo título acadado e tamén ao Burela FS polo seu traballo de canteira, que estamos vendo que dá os seus froitos. E que menos que desde o Concello de Burela recoñecerlle ese mérito que ten este título de campión de Europa, que é moi importante e non se consegue todos os días”.
No Concello de Burela tivo lugar unha recepción a Nito Valle, tras terse proclamado campión de Europa de futsal sub 19 coa selección española
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.