Ribadeo, 18 de outubro, 2019. A vicevoceira do Grupo Municipal de Ribadeo, Elena Sierra, ven de rexistrar unha moción solicitando ao Goberno local do BNG a elaborar un plan municipal de residuos debido “á falta de limpeza de todo o noso termo municipal tanto nas rúas, colectores do lixo coma zonas verdes que se atopan nun estado de abandono”, manifesta.
“Dende o Grupo do PP decidimos presentar esta moción; xa que o concelleiro de medio ambiente fixo escaso caso ante a nosa petición para presentar o plan de residuos na anterior sesión plenaria” cando dende o equipo de Goberno responderon dicindo que “o camión da recollida sae tódolos días” en lugar de facer entrega dunha copia do mesmo como tiña solicitado o Grupo Municipal Popular”. A este respecto, a popular engade que “o plan de residuos do Goberno de Ribadeo brilla pola súa ausencia” e, se existe, “non é útil”.
Sierra sinala, por outra banda, que “nos parece moi ben a idea de ofrecer colectores individuais para uso de supermercados e praceiros que ofrece Sogama -entidade dependente da Xunta de Galicia- e que xa recollíamos dende o PP de Ribadeo no noso programa electoral”.
Con todo, os populares reivindican “un plan de residuos serio e ben xestionado”; xa que consideran que, “ata o momento, non é o caso”.
Plan Municipal de Residuos 200-2005
Os populares recordan que “o equipo de Goberno do PP en Ribadeo puxo en marcha no ano 2000, despois de contar co apoio de toda a corporación municipal, un Plan Municipal de Residuos para o período 2000-2005 elaborado polo concelleiro de medio ambiente e dous técnicos especializados na materia que deu grandes resultados”. De feito, dende o Grupo Municipal Popular lembran que “Ribadeo foi entón o segundo municipio en contar cun plan deste tipo despois de A Coruña e o primeiro en consonancia co Plan de Residuos de Galicia”.
“Aquel plan contaba cun programa de limpeza viaria para o casco urbano e para as parroquias incluíndo desbroces de pistas e de todas as áreas recreativas para os 365 días do ano”, manifestan. Así mesmo, poñen en valor que incorporaba “planos coa localización de tódolos colectores do concello” e que, o plan no seu conxunto, “fixo que Ribadeo avanzase medioambientalmente tanto en documentos como en feitos: dotación de novos colectores, construción e posta en funcionamento do punto limpo ou do depósito de escombros da construción; ademais da sinalización das rutas de sendeirismo, fontes do lobo e dos muíños, construción da Casa da Ría, desenvolvemento de xornadas ambientais, etc”.
Dende o Grupo Popular cren que “ese traballo non pode quedar esquecido e débeselle dar continuidade aproveitando que o Concello de Ribadeo dispón por primeira vez dunha concelleira de medio ambiente con dedicación exclusiva”.
Concretamente, os populares propoñen para a súa aprobación na vindeira sesión do Pleno municipal que “o equipo de Goberno elabore un novo Plan Municipal de Residuos onde se aproveiten os resultados do primeiro Plan elaborado polo Partido Popular para o período 2000 – 2005, se utilicen as MTD no mercado para a súa elaboración e posta en marcha e se avance nas tendencias actuais do emprego verde e do Residuo Cero, entre outras medidas, para que Ribadeo volva ocupar o lugar, en termos medioambientais, que lle corresponde por tradición e por feitos tanxibles do pasado”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
