Lugo, 17 de outubro de 2019. O Presidente da Deputación de Lugo, José Tomé Roca, visita este xoves os concellos de Ribadeo, Barreiros, Viveiro e Mondoñedo para coñecer de primeira man e supervisar investimentos que o organismo provincial está a realizar na comarca da Mariña por un importe superior aos 370.000 euros. Tomé tamén aproveita a viaxe para reunirse cos alcaldes e alcaldesas destes concellos co fin de analizar a situación dos proxectos e iniciativas que impulsa a institución provincial nas súas localidades, ademais de abordar as súas inquedanzas e demandas de cara abrir novas oportunidades de colaboración, dentro do firme compromiso do Presidente de reforzar a asistencia e cooperación cos concellos para que poidan implementar servizos e infraestruturas que melloren a calidade de vida e o benestar da veciñanza.
Así, José Tomé mantivo esta mañá unha xuntanza de traballo co rexedor de Ribadeo, Fernando Suárez, co que analizou os proxectos que a Deputación impulsou ou ten en marcha no concello, entre eles, a reconstrución do terreo de xogo do estadio de fútbol Pepe Barrera, unhas actuacións en execución que está previsto que rematen a principios de ano e ás que a institución provincial destinou 140.000€. “Agradezo que, á primeira chamada, o Presidente da Deputación viñera”, dicía Suárez no marco do encontro, no que aproveitaba para reprocharlle á Xunta de Galicia a súa falta de compromiso co municipio. “A Deputación ten que ser o Concello dos concellos e este goberno vai atender a todos”, afirmou o Presidente na súa segunda visita á Mariña no que leva de mandato.
No Concello de Barreiros, Tomé encontrarase coa Alcaldesa, Ana Ermida, xunto coa que coñecerá esta tarde o estado da estrada de Reinante que comunica a N-634 coa praia de Arealonga, a LU-P-0604. A Deputación ten previsto arranxar o aglomerado desta vía provincial cun investimento superior aos 60.000 euros. As obras comezarán en canto as condicións meteorolóxicas o permitan.
O mandatario provincial visitará tamén o Concello de Viveiro, onde manterá unha reunión coa Alcaldesa, María Loureiro. Tomé firmará no Libro de Ouro da cidade do Landro e falará coa rexedora dos temas de interese para o municipio, ademais de coñecer actuacións que contan con investimento provincial na localidade como as obras de conservación e mantemento da Oficina de Turismo, para a que se destinaron 20.430,31 euros; a reposición de pavimentos e servizos na rúa Benito Galcerán entre o número 16 e o Colexio de San Roque, que contan cunha achega de 43.359,78 euros; ou a reposición da rede de abastecemento de auga na marxe esquerda da rúa San Roque por valor de 78.463,15 euros. José Tomé tamén aproveitará para abordar coa Alcaldesa outras actividades e iniciativas que contan con investimento do organismo provincial por un importe de 78.463,15 euros, como a Rapa das Bestas de Candaoso ou as festas patronais.
O Presidente da Deputación pechará a xornada en Mondoñedo, onde participará no pregón das festas das San Lucas, para as que a Deputación achega 20.000 euros á asociación organizadora.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
