Vilalba, 8 de outubro, 2019. Os populares de Lugo continúan abordando os principais retos da nosa provincia con reunións polas comarcas. Así, a máxima dirixente do Partido Popular na provincia de Lugo, Elena Candia, desprazouse este martes a Vilalba para presidir a reunión da executiva do partido na Terra Chá na que participaron os alcaldes, portavoces e concelleiros dos concellos de Abadín, A Pastoriza, Begonte, Cospeito, Guitiriz, Muras, Vilalba e Xermade.
Os membros do Partido Popular da comarca chairega sinalaron que “hoxe por hoxe o principal problema ao que se enfronta a Terra Chá é o posible peche da central térmica de As Pontes”. O coordinador do PP na comarca e deputado provincial, Agustín Baamonde, recorda que “estamos ante un problema grave e de gran magnitude”; xa que “afecta directamente a moitos veciños e veciñas da zona que traballan na central, aos transportistas do carbón e tamén a pensionistas vinculados a Endesa”. Nese sentido, Baamonde recorda “a histórica relación económica que une As Pontes e Vilalba” e que, polo tanto, “evidencia os efectos deste problema tamén para a Terra Chá”.
Os populares, que consideran unha “pésima noticia” o posible peche da térmica pontesa, reivindicaron unha solución para a térmica e reclaman ao Goberno do PSOE “unha transición enerxética xusta que non prexudique aos nosos veciños e veciñas”.
Pleno extraordinario na Deputación a petición do Grupo Popular
O apoio do PP e a súa solidariedade cos traballadores da central térmica de Endesa en As Pontes, coa industria auxiliar e os transportistas vencellados a ela e o Porto de Ferrol vense reflectidos na petición por parte dos deputados populares na Deputación dun pleno extraordinario.
A “fronte común que ten como obxectivo esixir que o Goberno central deixe de destruír emprego na nosa provincia” esténdese tamén aos concellos de Vilalba e Xermade onde os edís do PP tamén reivindicarán, a través de mocións para defender nos plenos municipais, “medidas urxentes para garantir a inmediata reapertura da central despois de que a empresa acordara a paralización da súa actividade como consecuencia dunha política enerxética do Goberno de Sánchez totalmente desordenada”.
10-N
Os populares aproveitaron a xuntanza, na que tamén participaron os membros da dirección provincial, para revisar outros temas de interese para a comarca relacionados coas dotacións e servizos, ademais de expresar o seu apoio aos principais sectores económicos da comarca.
O PP lucense continúa a traballar baixo un clima de participación para afrontar a próxima cita electoral do 10-N co claro convencemento de que “o Partido Popular é a opción de Goberno”.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).