Burela, 17 de novembro de 2019. A repetición das eleccións municipais na mesa do Perdouro, en Burela, este domingo deixa igual que o pasado mes de maio o reparto de concelleiros na Corporación Municipal: 6 para o PSOE, 4 para o PP e 3 para o BNG. A participación na xornada de hoxe non chegou ao 50%, segundo deu a coñecer o alcalde, Alfredo Llano, para quen é preciso poñerse a traballar canto antes co obxectivo de sacar adiante os orzamentos municipais, entre outras cuestións. O pleno de constitución da nova Corporación podería celebrarse o 7 de decembro.
Llano declarou esta noite que “despois de agardar case 6 meses para facer a repetición das eleccións municipais de Burela todo volve quedar exactamente igual que estaba; é máis, chegaron outra vez a empatar, neste caso non a 271 pero si a 270 votos, o BNG e Burela Sempre no cómputo global. De tal maneira que agora, se non hai ningunha alegación nin nada que o impida, daranlle ese concelleiro ao Bloque, co cal quedaremos como estábamos: 6 o PSOE, 3 o BNG e 4 o PP”.
O rexedor fixo que “houbo moi pouca participación, non chegou ao 50 por cen, porque de 630 votaron 301. Esta baixa participación a quen prexudicou basicamente foi ao PSOE aínda que gañamos con folgura porque sacamos 116 votos; seguidos do PP, con 86; o BNG, 63; Burela Sempre, 30; Ciudadanos, 2; e Vox tivo 1. De tal maneira que o PSOE volveu gañar, como gañou en todas as mesas nestas eleccións, pero pola Lei D’hondt e a baixa participación que houbo hoxe non logramos a maioría absoluta. Pero para nosoutros é un bo resultado e agora iremos falando sobre isto para normalizar o antes posible a situación do Concello de Burela”.
Llano subliñou que “temos que poñernos a traballar rápido para poder empezar xa a facer cousas importantes como son os orzamentos e outros asuntos que temos pendentes e que nos corren présa. Así que unha das cousas boas de ter feito estas eleccións é que podemos por fin normalizar a situación no Concello a base de negociacións”.
E engadiu: “penso que o pleno de investidura vai ser o 7 de decembro”.
A repetición das eleccións municipais na mesa do Perdouro, en Burela, deixa igual que en maio o reparto de concelleiros na corporación municipal: 6 para o PSOE, 4 para o PP e 3 para o BNG
Relacionado
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos.