Lugo, 14 de novembro de 2019.- A subdelegada do Goberno, Isabel Rodríguez, lembra que o vindeiro domingo, día 17 de novembro, terá lugar a repetición das eleccións locais nunha mesa electoral de Burela na que a Xunta Electoral anulou as eleccións celebradas o pasado mes de maio.
Rodríguez explicou que son 630 os electores con dereito ao voto nas eleccións deste domingo. Son os cidadáns censados na zona de Burela á que lle corresponde votar na mesa electoral 01-005 U, situada no IES O Perdouro.
A subdelegada destacou que “é unha responsabilidade de todos os cidadáns a elección dos nosos representantes municipais”, polo que animou aos electores censados nesta mesa electoral a “que acudan a votar este domingo porque co exercizo deste dereito axudarán a decidir a composición da nova Corporación municipal e, en definitiva, o futuro de Burela”.
As votacións poderanse efectuar entre as 9 e as 20 horas e a mesa electoral estará formada polos mesmos cidadáns que foran elixidos para os comicios celebrados o 26 de maio.
Burela é o único concello galego no que haberá eleccións locais parciais este domingo, pero tamén se deberán repetir os comicios noutras mesas electorais dos concellos de Granja de la Costera (Valencia) e Cordobilla de Lácara (Badajoz), así como en distintos municipios e entidades locais das provincias de Burgos, Gipuzkoa, Navarra, León, Palencia e Soria, nos que non se presentaron candidaturas nas eleccións do mes de maio.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
