Lugo, 11 de novembro de 2019.- A Consellería do Medio Rural, a través da Axencia Galega de Calidade Alimentaria, oferta case un cento de accións formativas (96 en total) en 19 municipios lucenses dirixidas aos profesionais do sector agrario, forestal e gandeiro, nas que poden participar arredor de 2.000 persoas -cunha media de 20 prazas en cada unha-.
O delegado territorial da Xunta en Lugo, José Manuel Balseiro, explicou hoxe a programación que se está a desenvolver neste segundo semestre do ano, e subliñou que se trata dunha oferta de cursos “cen por cen gratuíta e descentralizada, para evitar desprazamentos e incentivar a asistencia”.
“Cumprimos así un dos compromisos adquiridos polo Goberno de Galicia cos homes e mulleres profesionais do medio rural -sinalou-, achegar a formación aos interesados aforrando custos económicos e tempo”.
A Xunta multiplica notablemente os cursos que se imparten na provincia de Lugo, programando máis de 2.000 horas de formación. “A importancia do sector agrícola e gandeiro en Lugo así como a evolución e especialización da agricultura, da silvicultura e da gandaría debido aos cambios, tecnolóxicos e ambientais, esixen un nivel axeitado de formación no sector ao que se pretende dar resposta con esta iniciativa”, indicou Balseiro.
A temática é variada e vai dende os cursos sobre manexo de produtos fitosanitarios ata os orientados a adquirir coñecementos sobre benestar animal, sobre xestión da empresa agraria, manexo de maquinaria, sensibilización ambiental, ou cursos especializados promovidos en colaboración cos consellos reguladores de calidade diferenciada –como os queixos do Cebreiro ou de San Simón da Costa-.
Tamén hai cursos tecnolóxicos, como os orientados ao manexo da Oficina Agraria Virtual ou da Sede Electrónica da Xunta, que adquiren especial relevancia dado que cada vez son máis os trámites que os profesionais do medio rural deben realizar por medios electrónicos.
Os cursos impártense nos centros de formación agroforestal da Consellería do Medio Rural de Becerreá, Ribadeo e Monforte, nas oficinas agrarias comarcais ou en dependencias administrativas dos servizos veterinarios oficiais.
A relación de accións formativas e as características de cada unha poden consultarse na páxina web da Consellería do Medio Rural.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
