Ribadeo, 8 de novembro de 2019.- A Consellería de Medio Ambiente, Territorio e Vivenda fixo entrega de dúas vivendas de promoción pública nos concellos de Ribadeo e Mondoñedo. Nos actos participou o delegado territorial da Xunta en Lugo, José Manuel Balseiro, quen aproveitou para instar ás persoas interesadas en optar a este tipo de adxudicacións a inscribirse no Rexistro Único de Demandantes.
En Ribadeo entregouse un piso de dous dormitorios con garaxe e trasteiro, que mide 65 metros cadrados e está situado na rúa Rafael Fernández Cardoso. Neste caso, adxudicouse en compravenda, polo que se transfire a propiedade ao adxudicatario.
A vivenda adxudicada en Mondoñedo consta tamén de dous dormitorios e ten unha superficie de 55 metros cadrados; está situada na rúa Viñas da Veiga e adxudícase en réxime de alugueiro.
O Instituto Galego de Vivenda e Solo (IGVS) xestiona as listas de adxudicatarios existentes nos distintos municipios, que se elaboran mediante sorteo entre as persoas que figuran inscritas no Rexistro Único de Demandantes. A inscrición pode realizarse presencialmente ou a través da sede electrónica da Xunta e ten unha vixencia de tres anos.
En Mondoñedo ademais a Xunta ultima, as obras de rehabilitación dun edificio na praza dos Muíños, que dará como resultado dúas novas vivendas de promoción pública de catro e tres dormitorios respectivamente. Tan só quedan pendentes para a súa finalización pequenos remates na obra e varios trámites administrativos.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
