Este xoves ás 20:00 horas, terá lugar a inauguración en Ferrol da exposición itinerante organizada con motivo dos 800 anos de historia da Catedral de Mondoñedo. O acto, que será presidido por Mons. Das Heras Berzal, desenvolverase en Exponav, edificio de Ferrerías

A exposición estará aberta ao público ata o 23 de decembro. Tras a inauguración da exposición, poderase asistir, na Sala Carlos III, á terceira das conferencias deste ciclo, que conmemora o inicio do pontificado do bispo Martín I (1219-1248). Correrá a cargo do catedrático de Historia Medieval da Universidade de Santiago de Compostela Fernando López Alsina, e versará sobre “ As cidades do Bispado e os seus burgos”.