Ribadeo, 8 de novembro de 2019. O Concello de Ribadeo ofreceu unha recepción a Martín Fernández en recoñecemento por terse proclamado campión de España sub-14 de surfing coa selección galega. Xunto ao deportista ribadense estiveron o alcalde, Fernando Suárez, o concelleiro de Deportes, Jorge Díaz, o técnico municipal de Deportes, Iván López.
O rexedor manifestou que “se trata de pasalo ben, sobre todo de xente tan nova coma ti, pero tan prometedora porque es moi novo en idade pero chegaches a unhas cimas moi importantes e todo presume de que isto vai seguir continuando. Estás nun deporte minoritario, moi mediático en época estival, pero logo no inverno ninguén se acorda del, porque fai moito frío, hai moito mar”.
Suárez Barcia dixo: “nosoutros estamos moi orgullosos de poder recibirte a ti, de ser tan novo, de ter estes méritos tan importantes, de que leves o nome de Ribadeo por aí adiante, de que leves o nome de Galicia por aí adiante e que o leves con tanta honra que chegues a ser campión xunto cos teus compañeiros de Galicia. Queremos felicitarte e facerche este pequeno recoñecemento singularizado para ti porque o mereces, e ao mesmo tempo, como es unha persoa nova que aínda esta estudando, non me resisto a dicirche que me alegro moito disto, pero non se che ocorra deixar ao marxe os estudos para centrarte nisto. Isto no fondo é algo secundario, primeiro son os estudos e despois isto, e estou seguro que coa túa capacidade vas facer as dúas cousas, manter un bo nivel de estudos e un bo nivel de adestramento”.
O concelleiro de Deportes, Jorge Díaz, sinalou que “estou moi orgulloso por todo, por que sexa un deporte minoritario, sobre todo aquí, e que teña a idade que ten, unha idade pola que o Concello sempre aposta desde o deporte base. Quero darche a noraboa por ser campión de España sub-14 coa selección galega”.
Martín Fernández comentou que “estoy muy orgulloso de andar representando a Galicia y a Ribadeo en el nivel nacional, y no sólo agradecer a todos los ganadores sino a toda la gente que lo intenta aquí en Ribadeo llevándolo al máximo nivel”.
Arroupando ao deportista ribadense estivo a súa familia.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
Pasadas as 13:30 horas deste luns, o 112 Galicia tivo constancia, a través de Urxencias Sanitarias de Galicia-061, dun ciclista que se atopaba en parada cardiorrespiratoria no quilómetro 1 da LU-151, á altura da parroquia de Fazouro. De inmediato, os xestores do Centro Integrado de Atención ás Emerxencias solicitaron a colaboración dos axentes da Garda Civil de Tráfico e da Policía Local de Foz. Malia os esforzos, os profesionais sanitarios só puideron confirmar o falecemento da persoa.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
