Viveiro, 20 de decembro de 2019. O Concello de Viveiro acolle este fin de semana un amplo programa de actividades para todas as idades, nunhas datas nas que ademais aumenta de forma considerable o número de visitantes e de veciños que viven fora o volven a casa por Nadal.
Mañá, sábado 21, haberá na Biblioteca Municipal desde as 12.00 horas ‘Xogando no Nadal’, actividades e obradoiros para os máis pequenos, e pola noite o tradicional concerto de Nadal da Banda de Música de Vivero no Teatro Pastor Díaz (21.00 horas).
A axenda de ocio e cultural da concellería xestionada por Lara Fernández inclúe neste fin de semana o mercado ‘A Trastenda de Nicómedes’. As actividades ao aire libre quedan suspendidas polo mal tempo.
María Loureiro, alcaldesa de Viveiro, invita a todos os veciños e veciñas a “disfrutar da diversidade da programación, chegan datas de vacacións escolares e o concello quere que os nenos e nenas teñan actividades de Nadal, sen esquecer aos adultos”.
A programación continuará o luns día 23 co obradoiro ArteNadal e o martes, día 24, o concello organiza a Festa de Papá Noel, ás 17.30 horas na praza Maior de Viveiro.
O Concello de Viveiro acolle este fin de semana o concerto de Nadal, obradoiros para nenos, mercado e moitas máis actividades para todas as idades
Relacionado
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
