Madrid, 24 de xaneiro de 2020. O Concello de Viveiro fai un balance “moi satisfactorio” da súa presenza en Fitur, onde hoxe presentou a súa Semana Santa e pechou unha numerosa rolda de reunións de traballo con touroperadores internacionais.
Entre os touroperadores e empresas del sector que mostraron interese e falaron co Concello de Viveiro están Tee Travel, especializada no Camiño de Santiago e en rutas en bicicleta; You Travel; os portugueses de VA Tour; TUI Holidays; Arco Travel Millenium, ou Irmitours.
Todos eles manifestaron que Viveiro é un destino moi atractivo e estudarán como integralo nos seus paquetes de viaxes, o que incrementará a chegada de turistas de toda a Europa á vila.
A alcaldesa, María Loureiro, presentou a Semana Santa de Viveiro nun acto de todas as Semana Santa de Galicia, cun discurso e un vídeo das procesións nocturnas que concitou un elevado interese e impulsa a proxección internacional do evento.
“Falamos dunha celebración con máis de 800 anos de historia, que destaca pola súa tradición, pola riqueza patrimonial da súa imaxinería e a implicación veciñal, ademais da súa propia contorna”, explicou.
“As orixes da nosa Semana Santa remóntanse ao século XIII, coincidindo co asentamento en Viveiro das ordes mendicantes de franciscanos e dominicos, que utilizaron os actos litúrxicos e procesionais para transmitir a mensaxe de forma sinxela para o pobo; estas procesións foron asumidas polas distintas confrarías que se foron constituíndo ao longo dos séculos”, manifestou Loureiro.
As máis antigas son a Venerable Orde Terceira Franciscana e a Ilustre Confraría do Santísimo Rosario, que foron responsables dos actos de Semana Santa ata que, en 1944, fundouse a Confraría do Santísimo Cristo da Piedade; desa naceron tres irmandades: a do Prendimiento, a das Sete Palabras e a da Santa Cruz, esta última formada integramente por mulleres.
Hai que sumar as dúas máis recentes, a de ‘O Nazareno dos de fóra’ e a da Misericordia. É necesario facer referencia, ademais, á Xunta de Confrarías, creada en 1992, que se encarga de organizar e coordinar os actos que se celebran antes, durante e despois da Semana Santa.
“A Semana Santa de Viveiro inclúe quince procesións e varios actos litúrxicos, desde o Venres de Dores ata o Domingo de Resurrección, entre os que destacan o Encontro e o Desencravo, ambos con figuras articuladas, que se representan do mesmo xeito desde a Idade Media”, engadiu.
“É, en definitiva, un dos nosos signos de identidade e un dos nosos recursos turísticos máis importantes; somos conscientes da súa importancia e, xunto coa Xunta de Confrarías, traballamos para potenciar a súa proxección internacional”, puntualizou a alcadesa.
A última iniciativa neste sentido foi a adhesión á Rede Europea das Celebracións de Semana Santa e Pascua, que se constituíu na cidade portuguesa de Braga en marzo de 2019, co obxectivo de conseguir o primeiro Itinerario Cultural Europeo de Celebracións de Semana Santa e Pascua. “Unha iniciativa que se presentou onte mesmo nesta feira e coa que estamos especialmente ilusionados, pois consideramos que supón un paso máis para nosa Semana Santa”, rematou María Loureiro.
O Concello de Viveiro fai un balance moi satisfactorio da súa presenza en Fitur, onde este venres presentou a súa Semana Santa
Relacionado
-
Lucía Legazpi López gaña a viaxe a Lanzarote no sorteo do Pasaporte de Acisa
-
Mondoñedo acolleu este sábado a XII Xornada Anual da SOGAMP, centrada nos retos da medicina preventiva
-
A Xunta impulsa en Ribadeo a celebración do foro ‘España Verde: un destino de calidade’ para reforzar a oferta turística da Mariña
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
