Burela, 26 de xaneiro, 2020. As Guerreiras continúan paso a paso. O Pescados Rubén Burela FS subiu unha vitoria máis este sábado, na xornada 18, recuperando un dos seus sinais de identidade, a solidez defensiva, deixando a cero a portería ante Majadahonda Afar4 (0-2).
Ás pupilas de Julio Delgado custoulles máis do esperado nunha pista que engachaba moito na circulación de balón e cuns primeiros minutos nos que quizais as mariñás pecaron de horizontalidade fronte a un equipo local que só o intentou con disparos afastados. Co encontro controlado, a iniciativa no luminoso resistiuse ata o minuto 11, nunha recuperación e transición rápida que finalizou Jenny. Con esta vantaxe, o cadro laranxa intentou o cambio de dinámica con xogo de cinco pero non obtivo recompensa.
As burelistas regresaron á pista para dar tranquilidade a un marcador curto e traizoeiro. No 31, Jenny Lores asinou o 0-2 ao segundo pau tras roubo de Dany. Majadahonda quixo recuperarse na recta final con xogo de cinco, sen finalización.
Ficha técnica
FS Majadahonda Afar4: Laura, Celia, Verónica, Sheila, Mónica, cinco inicial; tamén xogaron Malika, Desireé, Carmen, Gloria, Laura
Pescados Rubén Burela FS: Jozi, Jenny, Ale de Paz, Luci, Jenny Lores, cinco inicial; tamén xogaron Lara Balseiro, Cilene, Dany, Bea Mateos, Jane, Cristina
Goles: 0-1, minuto 11, Jenny; 0-2, minuto 31, Jenny Lores
Árbitros: Mayo López // Panadero Díaz-Concha. Por Majadahonda amarela Malika (minuto 19), Sheila (minuto 34)
Incidencias: Partido correspondente á xornada 18 de Primeira División disputado en La Granadilla.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
