Ribadeo, 11 de xaneiro de 2020. Acisa repartiu esta noite na IX Festa do Comercio 4.000 euros en vales de compra, que as afortunadas poderán gastar na hostalería e no comercio asociados ao longo dos dous vindeiros meses.
Desde o pasado 1 de decembro Acisa repartiu 200.000 papeletas entre os clientes do comercio e da hostalería asociados. Milleiros de persoas encheron nesta xélida noite a carpa e os arredores do parque de San Francisco. Tres pantallas xigantes e varios altavoces permitiron que todo o público puidese seguir con comodidade, tanto no interior como no exterior, a IX Festa do Comercio da Asociación de Comerciantes, Industriais, Servizos e Autónomos de Ribadeo, que tamén se retransmitiu en directo a través de facebook.
O primeiro premio foi o denominado como non presencial, que se coñeceu mediante un programa informático, e que lle correspondeu ao número 77.801. O posuidor ou posuidora desta papeleta dispón ata o día 17 de xaneiro para presentarse nas oficinas de Acisa Ribadeo e así cobrar o premio. De non presentarse considerarase deserto.
As outras tres papeletas foron extraídas polas mans inocentes de tres nenas: Mar, Antía e Catalina, que levaron un agasallo de 50 euros en vales de compra de Acisa para gastar nos establecementos asociados.
O premio de 500 euros en vales de compra foi para o número 150.928 e correspondeulle a Ana María de la Cuétara González; o premio de 1.000 euros foi para o 35.774 e levouno Mª Teresa López García; e os 2.000 euros en vales de compra foron para o número 2.815. A gañadora foi Mari Carmen Río Ríos. Os premios fóronlles entregados polo alcalde de Ribadeo, Fernando Suárez, polo presidente e polo vicepresidente de Acisa, Francisco Iriarte e Juan Andina, respectivamente. As tres afortunadas son veciñas de Ribadeo.
As papeletas afortunadas foron entregadas en Farfala, en La Moda e en Bis a Bis.
Durante a IX Festa do Comercio de Acisa interviñeron o presidente da asociación, Francisco Iriarte, e o alcalde ribadense, Fernando Suárez. Varios directivos de Acisa, así como o concelleiro de Comercio, Pablo Vizoso, e as concelleiras Marta Rey e Elena Sierra, asistiron ao sorteo celebrado esta noite na carpa instalada no parque de San Francisco, que foi conducido pola xornalista Carmen Cruzado e polo xerente de Acisa, Jesús Pérez.
Entregados os premios na IX Festa do comercio de Acisa. Milleiros de persoas abarrotaron a carpa e o parque de San Francisco para asistir a esta cita
Relacionado
-
Cariño reforza a conciliación familiar cunha ampla oferta de actividades deportivas e culturais para o verán
-
O BNG de Viveiro presenta 32 alegacións e reclama manter a variante integrada na VAC Costa Norte
-
A Deputación reforza a seguridade viaria en Cervo coa limpeza de cunetas en cinco estradas provinciais
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
