Ribadeo, a 17 de xaneiro de 2020. O voceiro do Grupo Municipal do PP de Ribadeo, Daniel Vega, pon en valor o inicio das obras de acondicionamento do local propiedade da Xunta situado na rúa Clemente Martínez Pasarón para albergar de forma temporal o Xulgado de Paz e que suporán “un investimento de 41.800 euros”.
Vega destaca “a disposición da Xunta de Galicia para ofrecer unha solución ante a situación de deterioro na que se atopa o actual xulgado de paz en dependencias de titularidade municipal”. A este respecto, o popular engade que “se trata dunha medida temporal” porque, “nun futuro, o Xulgado de Paz ribadense será emprazado na coñecida como Casa da antiga Telefónica unha vez que o Concello merque a propiedade e realice as obras necesarias”.
“Fronte á falta de solucións por parte do goberno local do BNG, dende o equipo que formamos os membros do Partido Popular traballamos en beneficio de Ribadeo”, manifesta Daniel Vega que agradece o esforzo da administración autonómica e a súa atención ante as xestións do Grupo Municipal do PP.
Nese sentido, Vega defende que “a colaboración institucional sempre trae beneficios para Ribadeo” e avanza que “esta é a liña na que nos gusta traballar dende o Grupo do PP”. De feito, os xulgados de paz son servizos compartidos entre a Xunta e os concellos. Ás entidades locais correspóndelles achegar e conservar os locais e ao Goberno galego dotalos de persoal. Pero, “ante a situación na que se atopan as dependencias actuais, dende a Xunta puxeron sobre a mesa outras posibilidades co obxectivo de beneficiar aos ribadenses”.
Obras de mellora
As obras, financiadas pola Consellería de Presidencia, Administracións Públicas e Xustiza, consistirán en traballos de albanelería, fontanería e electricidade que permitan habilitar un arquivo, aseo e dúas oficinas. Deste xeito, permitirase mellorar as condicións de traballo do persoal e tamén a atención aos usuarios.
O inmoble, que pertence ao Instituto Galego de Vivenda e Solo, dispón de 62 metros catros nun novo espazo céntrico e accesible.
Unha persoa esqueceu unha pota no lume. Queimouse todo o contido do recipiente e a vivenda encheuse de fume, por iso deberon intervir os Bombeiros de Viveiro, para poder ventilar e garantir a habitabilidade. Ninguén resultou ferido. Tampouco dúas mascotas que estaban dentro do inmoble. Quen avisou ao 112 Galicia ás 13:30 horas de hoxe eran os propios afectados, que vían saír fume da súa casa, situada na Rúa Grande, en Celeiro.
Este colectivo organiza, un ano máis, o V Encontro de Camións, que terá lugar na Alameda ortegana este venres e sábado. O encontro serviu para presentar a camiseta oficial desta quinta edición.
Este xoves gardouse un minuto de silencio ante a Casa do Concello, como xesto símbólico en solidariedade coas familias das persoas falecidas e desaparecidas, e con todas as persoas que resultaron vítimas, dun ou doutro xeito, da devastadora DANA que afectou sobre todo, á Comunidade Valenciana e a Castela A Mancha. As bandeiras tamén locen a media asta en sinal de loito.
Os feitos delituosos tiveron lugar o pasado día 18 de outubro, no interior dun establecemento comercial de Ribadeo, cando supostamente a persoa investigada aproveitando un descoido da propietaria do local subtraeu dous aneis dun expositor. No marco da investigación logrouse recuperar un dos obxectos subtraídos, continuando xestións para localizar e recuperar o outro. As dilixencias policiais e a persoa investigada foron postos ao dispor xudicial.
O pasado sábado, 26 de outubro, tivo lugar na Pousada do Almacén en Cervo unha emotiva xuntaza do antigo alumnado do Cole de Cervo dende a xeración de 1977 ata 2006 para homenaxear a súa mestra Lila, con motivo da súa xubilación, estando acompañada polo seu inseparable Toño (tamén mestre no Centro). Lila foi unha carismática mestra que impartíu no Colexio Público de Cervo dende comezos da década dos 90 ata xuño pasado. Máis de 70 persoas asistiron á cea e unhas 110 participaron nos distintos agasallos entregados ao remate cos respectivos discursos. A homenaxe continuou logo no Muíño para rememorar anécdotas dos tempos mozos das persoas asistentes.
A edil Begoña Sanjurjo explicou que “foi unha xornada de convivencia e desconexión do mundanal ruído”. E contou que “a meteoroloxía deixounos desfrutar da contorna do balneario e da área recreativa da Carballeira en Parga, onde comemos”. A concelleira de Igualdade dixo que “foi unha experiencia que nos deixou gañas de repetir”.
Destinado ao público infantil e familiar a partir dos 3 anos. O espectáculo trata a temática da memoria, da vellez, da demencia, da soidade e da dura e esixente tarefa de coidar as persoas maiores e enfermas. Será ás 18 horas.
