Lugo, 6 de xaneiro de 2020. O Auditorio Municipal Pascual Veiga de Mondoñedo acolleu este xoves a preestrea da película Arima da directora vasca afincada en Galicia Jaione Camborda, que foi rodada maioritariamente na cidade mindoniense. O Deputado de Participación Cidadá, Roberto García Pernas, asistiu á proxección da longametraxe, para a que a institución provincial achegou 15.000 euros.
A que é a ópera prima de Camborda como directora de longas, vén de acadar o Premio Escáner no Festival Márgenes de Madrid e o Premio á Mellor Dirección na sección Nuevas Olas do Festival de Sevilla. Ademais, na rodaxe de Arima participaron dous alumnos de produción e un de realización do Centro de Formación Audiovisual da Deputación, que realizaron a súa FCT (Formación en Centros de Traballo) de marzo a xuño de 2018.
Ademais da participación en Arima, a Deputación está a apoiar outros proxectos lucenses ou gravados na nosa provincia. Os máis recentes son O Sabor das margaridas, a primeira serie en galego incorporada á plataforma audiovisual Netflix, e o documental Welcome to ma maison da produtora meirega Gaitafilmes. O organismo provincial tamén apoiou películas multipremiadas como O que arde, A sombra da lei e Dhogs.
Mondoñedo, plató de cine
A cidade de Mondoñedo converteuse en plató de cine durante a rodaxe de Arima, unha produción de Esnatu Zinema. Na cidade mindoniense gravouse o groso da película, aínda que tamén hai outras localizacións en Santiago e na comarca de Ferrol. Segundo a directora vasca, en Mondoñedo atopou as localizacións que levaba anos buscando para un guión que escribira anos atrás.
Trátase dun thriller psicolóxico protagonizada por Mabel Rivera, Melania Cruz, Rosa Puga, Iria Prada, Nagore Arias e Tito Asorey. É a historia de catro mulleres e unha nena cuxa vida se ve alterada pola chegada inesperada de dous forasteiros. Todo se move na fronteira entre o real e o máxico.
Jaione Camborda cos alumnos do SdeA
A directora de Arime mantivo varios encontros cos alumnos da antiga Escola de Imaxe e Son da Deputación. En concreto, impartiu unha masterclass dentro do programa de actividades complementarias do centro e participou nos Encontros Mestre Mateo celebrados na TIC en 2014, cando Jaione Camborda gañou o Mestre Mateo ao Mellor Guión por Os fenómenos e foi candidata á Mellor Dirección Artística por El oro del tiempo. Camborda é unha das profesionais de acreditado prestixio que manteñen encontros co alumnado do Servizo de Audiovisuais, para achegarlles a súa experiencia no sector audiovisual.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
