Burela, a 21 de febreiro de 2020.- O Grupo Municipal Popular (GMP) asegura que “o descontrol do gasto na Delegación Municipal de Cultura, que preside o edil socialista José Díaz, é absoluto, empregando os cartos públicos cunha desidia inaceptable”.
O GMP fai esta aseveración logo de terse celebrado este xoves un pleno para aprobar facturas correspondentes aos ano 2018 e 2019 por importe de case que 88.000 euros. O voceiro, Manuel Rouco, afirma que “entre esas facturas hai dúas que superan os 18.000 euros, polo que é posible que incumpran o estipulado na Lei de Contratos das Administracións Públicas, é dicir, exceden do importe máximo fixado para un contrato menor e polo tanto os servizos prestados con cargo a esas facturas terían que ser obxecto dun procedemento aberto”.
Rouco advirte así que “tamén hai facturas de bares e restaurantes, por un importe duns 1.200 euros, sen pagar”. “O máis grave está acontecendo, afirma Rouco, coa Escola de Música”. A este respecto, alerta de que “hai catro facturas dos últimos meses que ascenden a case que 19.000 euros, presentadas por unha mesma persoa, e referidas a actividades da Escola. Estas facturas non teñen ningún contrato que as sustente, e polo tanto estamos ante unha situación ilegal”, insiste.
O portavoz do GMP asegura que, no informe de Intervención, “que non ten desperdicio”, faise constar que hai polo menos dous informes que contan coa sinatura do alcalde no que se avala dalgún xeito este tipo de actuación. Asemade, existe outro conxunto de Secretaría e Intervención do 30 de xaneiro pasado advertindo das irregularidades e facendo constar as mesmas. Tanto é así, que chegan a afirmar que se está incumprindo a actual Relación de Postos de Traballo (RPT) en vigor, a aprobada en 2006 polo PP, o que pon de manifesto, sinala, “a falta de visión de Llano, xa que en catro anos non foi capaz de facer unha nova RPT”. “Nin foi capaz de ordenar os procedementos administrativos de contratación para atender a Escola de Música. Escola que, lembremos, foi fundada polo PP e que non tivo ningún tipo de problema cos gobernos municipais populares”, apunta.
Rouco advirte que “no informe de Intervención ponse negro sobre branco mostrando que existen movementos de fondos desde determinadas partidas orzamentarias a outras, moitas delas vencelladas coas delegacións de Cultura e Educación, áreas que preside José Díaz. Case se baldeiran certas partidas para engordar outras, e así é como se loce o concelleiro, organizando eventos que, dese xeito, pode organizar calquera, pero que é unha fórmula irregular”.
A responsabilidade é do alcalde
Manuel Rouco considera que “así non se debe gobernar un concello”. Por iso, entende que a responsabilidade última é do alcalde, que ten levantado todos e cada un dos dezanove reparos feitos por Intervención durante 2019, “só para salvarlle a cara ao seu concelleiro de Cultura”. Dende o PP, defenden que os provedores “teñen que cobrar, xa que prestan o servizo de boa fe, pero os nosos votos non poden validar unha forma de facer política, a de José Díaz, amparado polo alcalde, que se basea en considerar ao Concello como un feudo privado, deixando, por exemplo, sen cobrar a provedores que deron entrada a facturas en xullo do ano 2018”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
