Ribadeo, 29 de febreiro de 2020. O proxecto Apego de Ribadeo organiza novas sesións de matronatación que se celebrarán no mes de marzo. Os destinatarios son nenos e nenas entre 9 meses e 4 anos e o prazo para inscribirse remata o vindeiro luns, 2 de marzo.
A concelleira de Cultura, Pilar Otero, explicou que “o proxecto Apego de Ribadeo, que xira arredor da transmisión do galego ás novas xeracións, inicia este martes, 3 de marzo, unhas sesións de actividades de matronatación, que xa o ano pasado gozaron de moita aceptación polas familias con crianzas entre 9 meses e 4 anos”.
A edil nacionalista sinalou que “agora mesmo a quenda das cinco e media está ocupada, máis aínda hai algunha praza nas outras quendas, a das catro, a das catro e media e a das cinco. As sesións van ter lugar os martes de marzo, é dicir os días 3, 10, 17 e 24. E van ser impartidas, como noutras ocasións, pola terapeuta Sandra Saavedra”.
Pilar Otero dixo que “para anotarse é preciso escribir ao enderezo de Cultura, cultura@ribadeo.org. E o prazo remata o próximo luns, 2 de marzo. Ese é o último día para facelo. As sesións van ser de media hora e os grupos serán conformados por un máximo de seis crianzas e seis persoas adultas. Nas sesións vanse incluír dinámicas lúdicas asociadas a cancións, secuencias de desprazamentos e flotación e sempre se van rematar cun conto na auga”.
A concelleira de Cultura anima aos interesados e interesadas a participar: “para coñecer máis sobre este programa se pode revisar a información publicada no facebook de Cultura ou ben chamar á oficina de Cultura, onde se explicará máis polo miúdo todo o que ten que ver con este programa. Animamos a todas as familias con crianzas a participar nas sesións de matronatación”.
O obxectivo mais importante da actividade céntrase en reforzar vínculos de amor e confianza entre a crianza-nai/pai facendo que compartan unha experiencia xuntos na auga; e ao mesmo tempo reforzar os vínculos co noso idioma, co galego como lingua vehicular e dinamizadora.
O proxecto Apego de Ribadeo organiza novas sesións de matronatación para nen@s de 9 meses a 4 anos, que terán lugar os martes do mes de marzo
Relacionado
-
A Xunta anuncia en Muras a ampliación da variación máxima de potencia para acelerar a modernización eólica en Galicia
-
Arrinca o Obradoiro de Emprego dos concellos de Burela, Cervo e Xove, centrado na especialidade de xardinería
-
As novenas xornadas gastronómicas ‘Asturias en Ribadeo’ terán lugar do 23 ao 25 de outubro
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
