Santiago de Compostela, 20 de marzo 2020. A portavoz nacional do BNG, Ana Pontón, manifesta a “total e leal” colaboración do BNG para saír da crise e pide ao goberno galego “medidas potentes” e anticiparse para ofrecer unha mellor resposta sanitaria, social e económica. Neste sentido, considera que hoxe Feixó perdeu un día máis para pedir “blindar” Galiza das zonas de maior contaxio como Madrid e pon como exemplo Canarias e Baleares que, con menos casos que Galiza, tomaron medidas para frear a expansión do virus. “Blindar Galiza é unha medida de responsabilidade para evitar contaxiar a outros territorios ou recibir contaxios das zonas que están en peor situación”, recalca a portavoz do BNG.
Por outra parte, Pontón tamén manifesta a preocupación da forza nacionalista pola falta de material médico e de protección. Este feito, asegura, demostra que centralizar competencias non dá mellor resposta á crise. Non vale de nada queixarse pola falta de material e despois apoiar a suspensión das competencias da Xunta neste ámbito polo que “instamos a Feixóo que faga o que teña que facer para garantir que hai material médico de protección suficiente”.
Protección para as residencias de maiores cun Plan de choque
Ante a situación xerada nas residencias de maiores, o BNG pide que se poña en marcha “un plan de choque” para protexer ás persoas usuarias e ofrecer as máximas garantías ás traballadoras e traballadores e nesta liña deben realizarse probas de coronavirus “en todas as residencias de maiores, tanto a persoal como residentes” e intervir as residencias privadas mentres dure a crise sanitaria coa finalidade de coordinar medidas e dar unha resposta a un sector tan vulnerábel.
Recursos para as persoas máis vulnerábeis
No ámbito social, o BNG urxe á Xunta a dotar unha liña de fondos propios para axudas a persoas sen recursos para dispoñer dun mínimo vital co que facer fronte aos gastos de alimentación.
Medidas de apoio contra as consecuencias da crise económica e laboral
Para a nacionalista, “a Xunta está quedando atrás” á hora de dar resposta a unha crise que xa provocou o despedimento de miles de persoas, pechou negocios e pon en grave risco as pequenas e medianas empresas. Neste ámbito, o BNG propón: Crear unha Mesa Galega de Axentes Socias e Económicos con partidos, sindicatos e patronal co fin de concitar consensos para “abordar as consecuencias económicas e sociais dunha crise que vai mudalo todo”.
Crear unha liña de axudas, entre 1.500 e 2.000 euros, para autónomos que cesen actividade ou diminúan ingresos nun 75%. Dotar dun “cheque de emerxencia” para autónomos e pequenas e medianas empresas para sufragar os gastos correntes dos negocios ao que sumou, o “peche da actividade do marisqueo” con axudas para lucro cesante”.
Redefinir o Xacobeo 2021 e apoio á Cultura galega
Finalmente, a portavoz do BNG reclama “redefinir” a programación prevista para o Xacobeo 2021 con apoio preferente á cultura galega con liñas de axudas “extraordinarias” para o sector cultural ante a paralización da programación prevista neste trimestre.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
