Lugo, 3 de marzo de 2020. A subdelegada do Goberno, Isabel Rodríguez, destacou hoxe que a seguridade no concello de Ribadeo mantense en niveis semellantes aos do ano anterior, pero alertou do aumento no número de denuncias por violencia de xénero.
A subdelegada, que presidiu xunto co alcalde de Ribadeo, Fernando Suárez, a reunión da Xunta Local de Seguridade celebrada esta mañá na Casa do Concello, dedicou unha especial mención á loita contra a violencia de xénero pois informou que no último ano rexistráronse neste concello 13 denuncias por violencia de xénero, cinco máis que en 2017.
Isabel Rodríguez fixo fincapé na importancia de que as vítimas de violencia machista presenten denuncia e na necesaria implicación e traballo conxunto por parte de todas as institucións, forzas de seguridade e a propia sociedade para darlles protección.
Tocante á taxa de criminalidade de Ribadeo, a subdelegada deu conta de que en 2019 foi de 25,07 por cada mil habitantes, unha cifra que é lixeiramente inferior á rexistrada no ano 2018, cando se situara en 25,15.
Rodríguez explicou que os datos oficiais da Garda Civil reflicten que durante 2019 rexistráronse no municipio un total de 247 infraccións penais, 106 delitos graves e menos graves e 141 leves. Esta cifra supón que a delincuencia experimentou un pequeno descenso, do 0,8%, con respecto ao ano anterior, cando se rexistraron no municipio un total de 249 infraccións penais.
Ademais, a subdelegada detallou que o ano pasado os axentes da Garda Civil detiveron en Ribadeo a 45 persoas pola súa presunta implicación en feitos constitutivos de delitos e investigaron a outras 46.
PLAN DE SEGURIDADE ESCOLAR
Por outra parte, a Xunta Local de Seguridade repasou os distintos plans operativos da Secretaría de Estado de Seguridade, entre eles o que desenvolven as forzas de seguridade para garantir a convivencia e a mellora da seguridade nos centros escolares.
En relación con este programa, a subdelegada indicou que no pasado curso académico impartíronse en colexios de Ribadeo 7 charlas sobre temática de especial interese para os escolares como o acoso escolar, drogas e alcohol, racismo e xenofobia e incendios forestais.
Para este curso están programadas neste momento un total de 12 actividades que se organizan, a petición dos centros escolares, coa colaboración da Garda Civil e a Policía Nacional dentro do Plan Director para Convivencia e Mellora da Seguridade Escolar nos Centros Educativos e as súas contornas.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
