Viveiro, 3 de febreiro de 2020. O bo estado das infraestruturas é fundamental para a calidade de vida dos veciños. Cando chegar á casa esixe facer unha auténtica xincana entre fochancas á calidade de vida deteriórase. Pois iso ocorre en moitos puntos do Concello de Viveiro debido ao mal estado de rúas, pistas e camiños de titularidade municipal. Os concelleiros do grupo popular, que ten por portavoz a Óscar Rodríguez, esixen ao goberno presidido por María Loureiro que deseñe un plan de choque para acondicionar estas infraestruturas viarias.
Os membros do grupo municipal do PP din que o mal estado en que se atopan camiños como o denominado Puxigueira, en Covas, débese á falta de mantemento periódico. O caso é que o deterioro dos pavimentos chegou a tal extremo que é preciso que o Concello poña mans a obra e repare os firmes. É necesario por moitos motivos, todos eles relevantes.
É preciso amañar camiños e pistas porque os veciños teñen dereito a transitar por vías en bo estado; por un lado, porque nas condicións nas que se atopan algunhas delas, a seguridade vial vese considerablemente reducida. E ese é un aspecto fundamental desta cuestión: a seguridade. Circular sobre firmes cheos de fochancas é perigoso para automobilistas e peóns.
Outro aspecto relevante do problema é o da comodidade dos veciños; mellor dito, a incomodidade, porque as fochancas son incómodas e perigosas para os automobilistas, pero tamén para os peón, especialmente cando chove e están cheas de auga.
A vista da situación que se da en moitos puntos do municipio, os concelleiros populares reclaman da alcaldesa, a socialista María Loureiro, que adopte as medidas necesarias e deseñe un plan de choque para resolver o problema e fixe prioridades para a súa execución. É preciso, di o portavoz popular, Óscar Rodríguez, que a presidenta da corporación municipal saia da zona de confort na que está instalada, dese dolce far niente no que vive, porque o estado das infraestruturas viarias están moi mal por falta de conservación.
Os populares esperan que a alcaldesa faga caso da súa reclamación e deseñe e aplique un plan de choque para a mellora das vías municipais. E avisan de que seguirán dando a coñecer casos de rúas, camiños e pistas en mal estado mentres non empecen as obras de reparación.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
