Viveiro, 21 de marzo, 2020. Este venres levouse a cabo a reunión de voceiras no salón de plenos da Casa do Concello de Viveiro, na que asistiron xs voceirxs dos grupos políticos con representación municipal, BNG, PSOE, PP, Por e Son Viveiro, ademais das autoridades, Policía Local, Policia Nacional, Guardia Civil e Guardia Civil do Mar.
Foron escoitadas e aceptadas as 3 demandas que levaba o BNG a mans da súa portavoz, Míriam Bermúdez, as cales foron:
Habilitar e medicalizar o Albergue Xuvenil de Area, titularidade da Xunta de Galiza, de ser posíbel nas vindeiras datas debido ao gran incremento de afectadxs que se prevee polo COVID-19. Após de coñecer as declaracións do presidente da Xunta relacionadas coa intención de medicalizar os hoteis en caso de ser preciso.
Moratoria de pago daqueles impostos locais que van vencer e a paralizacion inmediata das cotas de servizos municipais que non prestan debido a corentena desta crise sanitaria, como son a Piscina Municipal, Gardería e Servizos Sociais.
Estar en constante comunicación cos dous centros de maiores ubicados no termo municipal de Viveiro, a Residencia de Betania e a Residencia Domus VI Viveiro, para estar en constante mellora das medidas de prevención e seguridade dxs usuarixs e traballadorxs.
Míriam Bermúdez recalca “desde o BNG reiteramos a total e leal colaboración para loitar contra a crise do coronavirus no Concello. Nunha situación así, toda forza que fagamos é pouca pero necesaria, por iso preguntamos ao resto de grupos da corporación municipal se querían formar parte da petición á Xunta de Galiza de medicalizar o albergue de Area, onde todos aceptaron redactalo en conxunto.”
Tamén a portavoz do BNG viveirense pide que estas reunións non sexan máis das necesarias e se faigan por vía telemática, “temos que comprender a situación de alarma na que vivimos, non ten sentido expoñernos nós e expoñer aínda máis ás forzas do estado e as locais, como tampouco á pobocación coa que nos crucemos polo traxecto de maneira innecesaria”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
