Ribadeo, 1 de abril de 2020. Estes días realízanse tarefas de desinfección interior e exterior na nova residencia de maiores e no hospital asilo. Trátase de medidas de prevención e de precaución fronte ao coronavirus, segundo explicou hoxe o alcalde, Fernando Suárez. O rexedor lembra que estas medidas se suman ás restricións nas visitas desde o pasado 12 de marzo, ás chamadas e vídeo chamadas para que os residentes estean en contacto coas súas familias e ao reparto de material de protección para as traballadoras e traballadores destes centros.
Suárez Barcia contou que “no día de hoxe se está procedendo á desinfección exhaustiva, tanto interior como exterior, das dúas residencias de maiores de Ribadeo, con produtos sanitarios que están autorizados polo Ministerio de Sanidade, cun protocolo de actuación de arriba para abaixo, de dentro cara a fora e de zonas sucias cara zonas limpas”.
O alcalde sinalou que “en total van ser catro xornadas de traballo, entre esta semana e a que ven, e quixemos facer isto de forma preventiva por precaución ao ser estas residencias de maiores un dos puntos máis febles nesta pandemia que estamos sufrindo ao longo e ancho da xeografía galega, do Estado e do mundo en xeral”.
O rexedor indicou que “está contratada a empresa pública Tragsa para a limpeza das dúas residencias. No caso da residencia nova está correndo cos gastos a Deputación de Lugo e no hospital asilo está correndo cos gastos o Concello de Ribadeo”.
Fernando Suárez lembrou que “isto vense sumar ás medidas previas que se foron adoptando nas dúas residencias de controis e de restricións xa a principios de marzo, hai que lembrar que se chegou a prohibir a entrada a visitas de familiares a estes centros xa o 12 de marzo. Con todo, desde aquela fomos implantando medidas para seguir mantendo o contacto con chamadas telefónicas, e especialmente as vídeo chamadas, para que os avós non perdan o contacto cos seus”.
E engadiu que “isto tamén ven complementar o que desde o Concello levamos días facendo co persoal municipal no sentido de reforzar a desinfección dos exteriores dos edificios sensibles como pode ser o centro de saúde ou estas residencias de maiores, así como ir subministrando a medida que imos recibindo os diferentes equipos de protección individual para as traballadoras e os traballadores destes centros. Polo que a día de hoxe, co traballo colectivo de todos e todas, poidamos asegurar o mellor posible a protección dos nosos maiores, a protección desta xente que o merece todo”.
Concello de Ribadeo e Deputación costean as tarefas de desinfección interior e exterior que estes días se realizan no hospital asilo e na nova residencia de maiores
Relacionado
-
UCIN Galicia alerta dun “golpe histórico” ao sector lácteo e reclama medidas urxentes para protexer ás ganderías
-
O luns ábrese o prazo para adquirir 41 parcelas no Polígono Industrial da Rega de Ortigueira con maiores facilidades de pago
-
O BNG de Viveiro denuncia o sectarismo do goberno local na presentación das obras da Xunqueira e do río Fontecova
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
