Compostela, 11 de abril de 2020. O portavoz de Galicia en Común- Anova Mareas, Antón Gómez Reino, insistiu hoxe na necesidade de que a Xunta interveña e medicalice de inmediato todas as residencias de maiores de Galicia, e avogou por unha completa reformulación do sistema asistencial deseñado pola Xunta cando conclúa a emerxencia sanitaria provocada pola epidemia de Covid-19.
“Hoxe é hora de salvar vidas. Pero mañá será ou momento de acabar co modelo de recortes e privatizacións nos programas de asistencia ás persoas da terceira idade en Galicia”, dixo.
Gómez Reino lembrou que ese modelo, que comezou a implantarse no ano 2009 coa chegada de Feijóo ao Goberno da Xunta, “permitiu que un puñado de empresas privadas fixeran e sigan a facer negocio co diñeiro público a conta do benestar dos nosos maiores”. “Ese modelo xa era nefasto en circunstancias normais, pero agora demostrouse que supón un perigo certo para ao vida e a saúde dos usuarios das residencias e do persoal que as atende”, indicou.
O portavoz de Galicia en Común- Anova Mareas subliñou que a Xunta coñecía desde hai anos as deficiencias que padecen as residencias das empresas DomusVi –con 29 centros repartidos en 23 municipios galegos- e a Fundación San Rosendo –que xestiona en Galicia 45 residencias e 12 apartamentos tutelados para maiores-, sen que fixese nada por resolver nin as graves carencias de medios materiais e humanos nin os reiterados incumprimentos das condicións contractuais de xestión.
Así o recollía o Informe de Fiscalización do Gasto en Atención Residencial a Persoas Maiores e Dependentes elaborado polo Consello de Contas e aprobado en maio o 2018, e así o puxeron de manifesto entidades como REDE, a Federación Galega de Usuarios e Familiares de Residencias e Dependencia, e familias e particulares que mesmo chegaron a denunciar na Fiscalía o “trato inhumano” que dispensan esas empresas aos anciáns confinados nalgunhas das súas residencias.
“O importante agora é asegurar a vida e a saúde de usuarios e traballadores intervindo as residencias e dotándoas dos medios que precisan. Pero cando todo isto termine, teremos que desmontar este sistema e construír un modelo asistencial que blinde a saúde e o benestar dos nosos maiores desde a xestión pública. Quen puxo en marcha os recortes e as privatizacións terán que render contas da súa actuación, e Feijóo non pode eludir a súa responsabilidade”, concluíu.
Pola súa parte, Martiño Noriega reclamoulle hoxe ao PSdG e ao alcalde de Santiago, Xosé Sánchez Bugallo, “que lle esixan oficialmente a Feijóo que interveña as dúas residencias de maiores que a empresa DomusVi xestiona na capital de Galicia”. Para Noriega, “non se pode seguir calado, mentres as traballadoras e as familias denuncian a falta de medios e as condicións nas que se atopan as persoas residentes”. Interpelando directamente para que “non sexan cómplices de Feijóo porque non hai que confundir a lealdade coa submisión” e aínda menos cando “o número de afectados pola Covid-19 non deixa de medrar nestas residencias”.
Noriega concluíu tamén resaltando que haberá que buscar os motivos para a demora e reticencias de Feijóo na medicalización e intervención destas residencias DomusVi, manifestando que “non queremos pensar, a pesar das hemerotecas, que tras a decisión de non intervir pode haber algún condicionante pola relación que a conselleira delegada de DomusVi, Josefina Fernández, mantén con altos cargos do PPdG e do goberno galego”. “Non queremos pensar que este tipo de condicionantes poidan opacar unha decisión necesaria, urxente e de saúde pública”.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
