Burela, a 16 de abril de 2020. O Grupo Municipal Popular reitera a necesidade de “aplicar as medidas económicas e sociais que solicitamos por escrito xa no pasado mes de marzo” porque “os autónomos e pequenas empresas o que queren son solucións, é dicir, medidas concretas”.
Así o manifestan dende o PP local ante “as declaracións do señor Llano anunciando a posta en marcha dun servizo municipal de asesoramento a autónomos e pequenas empresas ante a crise que estamos a vivir” que consideran “un xesto, unicamente, de cara á galería”. Para os populares “o que quere o tecido económico da nosa vila é que o alcalde e o seu goberno poñan en marcha liñas de axudas económicas como están facendo noutros concellos coma Lugo, Riotorto ou Ribadeo”.
Medidas concretas
A proposta rexistrada por escrito polos populares inclúe “exonerar do pago de diversas taxas aos autónomos e empresarios afectados pola crise (lixo, auga, terrazas, …), adiar ou fraccionar o pago de diversos impostos municipais (IBI,…) e ampliar un fondo de continxencia de axudas sociais que actualmente está dotado tan só con 17.500 euros; ademais de aplicalo de forma inmediata”.
Neste sentido, os populares de Burela lamentan que “a xestión do goberno local socialista en relación ás medidas económicas para contribuír a paliar a crise que están a sufrir os autónomos e pequenas empresas está a ser inexistente”. E critican que “o único que fai o alcalde é demorar a toma de decisións, tanto que pasou por alto as nosas propostas na comisión de seguimento da crise xa hai máis dun mes”.
“A situación require a unidade de tódalas forzas da corporación”
Dende o PP burelés afirman tamén que “a información que se nos traslada é a que nós solicitamos, formalmente e por escrito; non a que debería de saír da boa disposición informativa do alcalde Llano e do seu equipo de goberno nunha situación coma esta, na que cremos que se debería buscar a unidade de tódalas formacións presentes na corporación”.
Tal é así que, “co gallo de que se ía a buscar unha fórmula telemática para levar a cabo as reunións de seguimento da crise, seguindo criterios de seguridade, non se levou a cabo ningunha nestas últimas tres semanas. Dá a sensación de que era para non informar aos partidos da oposición”, segundo cren dende a formación popular. En cambio, “a semana pasada e sen aviso, si se produciu unha reunión presencial entre membros do Concello e de parte dos sectores socio-sanitarios da nosa vila; unha iniciativa que, por outro lado, demandamos dende o PP dende o primeiro día”, sentencian.
Os populares de Burela reiteran a necesidade de aplicar as medidas económicas e sociais que teñen solicitado xa no mes de marzo
Relacionado
-
O PPdeG destaca as iniciativas de emprendemento desde o rural galego que poñen en valor o territorio
-
O PSdeG reclama ao alcalde de Abadín actuacións urxentes no campo de fútbol municipal
-
O BNG demanda a Rueda explicacións sobre “o incumprimento inaceptable” do prazo para limpar as faixas secundarias nos concellos de menos de 10.000 habitantes
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
