Lugo, 27 de abril de 2020. A Secretaria Provincial do PSdeG-PSOE na provincia de Lugo, Patricia Otero envíolle hoxe unha mensaxe ao PP sobre o futuro de Alcoa. “Acabáronse as escusas para a Xunta de Galicia e o PP. Durante o último ano o Núñez Feijóo, o Conselleiro de Industria e os dirixentes do PP de Lugo afrontaron os problemas de competividade da Planta de Alcoa en San Cibrao desde a absoluta pasividade, escusándose en que o prezo da enerxía era competencia do Goberno da Nación”, replica.
Otero relata que “todas as iniciativas anunciadas pola Xunta e o PP sostíñanse en esixencias ao Goberno central. Nin unha soa medida do PP comprometía recursos ou actuacións do Goberno de Feijoo que é quen ten as competencias en materia de industria, tal e como recolle o artigo 30 do Estatuto de Autonomía de Galicia. Por iso é preciso que Feijoo exerza as súas competencias con axudas, no caso de que sexan necesarias, para a garantir a viabilidade de Alcoa”.
Así as cousas a secretaria provincial explicou que “ao longo de 2019 e o primeiro trimestre de 2020, a evolución do prezo da enerxía descendeu de xeito relevante, como resultado da estratexia enerxética posta en marcha polo Goberno de España, e tamén polos distintos cambios no mercado enerxético. Na actualidade o prezo por Kw/h é moi inferior ao que se viña demandando fai tan só uns meses pola propia empresa e pola Xunta e PP para garantir a competitividade da planta”.
“Feijóo e o seu Goberno non poden seguir de brazos cruzados, botando balóns fose, sen exercer as súas competencias. Xa non é o tempo das escusas ou de limitarse a esixir ao Goberno central. É o momento en que se poñan as pilas, traballen e mobilicen os recursos necesarios con axudas para contribuír ao mantemento do emprego en Alcoa”, remarcou a dirixente socialista.
Otero afirma que “hoxe o prezo da electricidade favorece a competitividade da empresa e polo tanto a súa viabilidade. O Goberno de Pedro Sánchez traballou para conseguir acadar os seus obxectivos en relación ao prezo da enerxía. Ese foi o seu compromiso cos traballadores”, espetou.
Competencias de Feijóo
A Secretaria provincial advirte que “o anuncio de recortes anunciado a semana pasada que afectan especificamente á planta de San Cibrao, refírense a problemas de competitividade industrial, que non gardan relación co prezo da enerxía. E tal e como se pode constatar, o seu custo é hoxe un factor que favorece a competitividade da empresa. Polo tanto, son problemas de índole industrial que incumben de xeito moi directo ás competencias de Núñez Feijoo e do seu Goberno”.
Acabáronse as escusas
Otero sinala que “o compromiso do Goberno de Pedro Sánchez coa viabilidade da empresa e o mantemento dos postos de traballo é inequívoco e vai seguir traballando na mesma dirección. Acabáronse as escusas para seguir coa inacción absoluta do Goberno da Xunta de Galicia. Agora, deben implicarse na viabilidade de Alcoa establecendo un dialogo directo coa dirección da empresa e implantando as axudas, se foran precisas, para o mantemento dos postos de traballo. E sen esquecerse dos empregos das empresas auxiliares, moitos en risco polas medidas relativas ás paradas das cubas que se anunciaron a pasada semana”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
