Burela, 19 de maio, 2020. Diante da sucesión de acontecementos acaecidos o pasado venres pola decisión do Concello de trasladar o mercado á zona de Torrentes, dende a asociación de veciños queremos apuntar o seguinte:
Burela é un pobo que se caracteriza ao longo de toda a súa historia polo seu emprendemento e polo dinamismo das súas xentes; así como polo seu carácter acolledor. Na actualidade o noso municipio é referente na Mariña a nivel naval, pesqueiro, sanitario e comercial. E o que aínda é máis importante: somos o núcleo urbano de maior densidade de poboación da comarca.
Pois ben, a pesares destas particularidades que caracterizan ao noso municipio, dende o Concello aínda non se ten ditaminado ningunha medida tanxible de apoio a veciños, autónomos, comerciantes e industriais; a pesares de terllo solicitado en varias ocasións dende esta e outras asociacións.
Exemplo destas medidas solicitadas son a moratoria da taxa do lixo para os locais que permaneceron pechados pola corentena; ou a rebaixa de taxas abusivas coma a da ocupación de vía pública para a construción; cuxa presión fiscal é desorbitada; sendo de ata trinta veces superior á de ouros concellos veciños.
Opacidade
Dende a nosa asociación botamos en falta unha maior transparencia nas xestións do equipo de Goberno. Unha mostra desta opacidade é a referida ao expediente de contratación do servicio de recollida de lixo e limpeza viaria. Carecemos de información sobre esta adxudicación a pesares de tela solicitado por escrito no Concello hai máis dunha semana e tampouco figurar dito contrato no portal de transparencia municipal.
Torrentes
A semana pasada, o Goberno local sorpréndenos co cambio de ubicación de xeito unilateral do mercado semanal para a zona de Torrentes. Pensamos no mercado non só coma unha actividade comercial, se non tamén como un lugar de reunión moi tradicional do noso pobo que semanalmente acolle tamén a veciños doutras vilas e pobos do noso entorno. Por iso, creemos necesario que en momentos tan complicados como o actual, o diálogo, a axuda e a cooperación son fundamentais.; e non a improvisación con medidas prepotentes.
Reafirmámonos na idea de que agora é o momento de apoiar ao comercio local e de proximidade; e defendendo os intereses e o entramado económico e social da nosa vila. Demandamos a redacción dun regulamento do mercado semanal; así como unha ordenanza das terrazas de hostalaría, básicas neste momento .
Resúltanos curioso que agora, o señor alcalde se lembre da existencia de Torrentes, cando o proxecto da unidade de actuación desta zona leva aprobada dende hai 15 anos. A día de hoxe, este proxecto urbanístico tan importante para Burela está sen rematar.
A conta de liquidación deste proceso está pendente de resolver , así como a execución de varias sentencias firmes, coma a do ano 2015 na que se obriga ao Concello a facer unha nova reparcelación.
Isto fai que os propietarios de fincas nesta unidade de actuación teñen os dereitos de “propiedade”, pero están pendentes da ubicación definitiva das súas parcelas e da resolución final de todo o proceso.
Estamos convencidos de que Burela sairá adiante pola súa propia iniciativa e pola dinámica da súa xente e agardamos que os nosos representantes públicos estean á altura nestes momentos tan complicados e complexos.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
