Lugo, 20 de maio de 2020. O delegado territorial da Xunta en Lugo, José Manuel Balseiro, destacou hoxe o “traballo constante” realizado polos axentes medioambientais durante a pandemia do coronavirus e agradeceu a súa implicación en distintas accións impulsadas co fin de minimizar o impacto da crise, en especial no medio rural.
Balseiro mantivo unha xuntanza cos responsables dos cinco distritos da provincia, acompañado da xefa territorial da Consellería de Medio Ambiente, Mararita López e do xefe do servizo de Patrimonio Natural, Carlos Vázquez.
O delegado agradeceu a participación dos axentes medioambientais nas accións de voluntariado organizadas pola Xunta en resposta ao Covid-19 e subliñou que estas tarefas eran complementarias co traballo ordinario deste colectivo que, lembremos estaba considerado como servizo esencial.
De feito, os axentes medioambientais realizaron durante estes meses unha actividade continua, entre outras acción, coa comprobación dos danos ocasionados polos ataques do lobo e o xabaril; atención a casos de maltrato animal ou recollida de fauna silvestre ferida, por citar as máis habituais.
No marco das tarefas de voluntariado vinculadas á situación de emerxencia sanitaria, os axentes medioambientais da Xunta desenvolveron actuación de seguimento do confinamento en concellos rurais e de atención a persoas en situación vulnerable para garantir que teñan acceso a servizos básicos.
Na provincia de Lugo, contactouse con todos os concellos para coñecer as súas necesidades e ofrecerlles o servizo. Solicitárono os municipios da Pastoriza e Meira, onde están desenvolver estas labores nove axentes do distrito da Terra Chá.
Reparto a domicilio de material escolar
Ademais axentes da Consellería e Medio Ambiente, Territorio e Vivenda tamén participan de forma voluntaria na iniciativa para colaborar cos colexios da provincia no reparto de libros e outros elementos que os estudantes deixaran nos centros cando se suspenderon as clases.
Todas as solicitudes recibidas ata o de agora foron atendidas e, polo momento, os axentes levan entregado material escolar a domicilio a 146 estudantes de diferentes centros educativos. En concreto, Vilalba, Lugo, Monforte de Lemos, Pedrafita do Cebreiro, Barreiros e Viveiro.
Os axentes entregan o material nos domicilios dos escolares para que poidan seguir facendo uso del desde as súas casas. A Xunta puxo este servizo á disposición dos centros educativos lucenses que imparten as etapas de educación infantil e primaria, para evitarlles desprazamentos ás familias e tamén para evitar que puntualmente puideran concorrer demasiadas persoas nas instalacións.
As familias que estean interesadas deben poñerse en contacto telefónico co seu centro educativo. Desde as direccións coordinarán a recollida e entrega coa Xefatura Territorial de Medio Ambiente na provincia.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
