Compostela, 15 de maio, 2020. A Federación de Sanidade de CCOO de Galicia cualifica de «propaganda electoral» as declaracións da Xunta sobre o reforzamento da atención primaria. Unha vez máis, o Goberno galego utiliza os medios de comunicación para facer os seus anuncios, desprezando os profesionais da saúde e a súa representación legal. Nesta ocasión, para anunciar un Plan de reactivación da asistencia na atención primaria «que non se poderá cumprir», asegura o sindicato.
Nas ditas declaracións, desde a Xunta comprometíanse coa sanidade pública e coa súa primeira porta de acceso, a atención primaria, reforzándoa tanto para a nova situación que xerou o COVID-19, como para atender a demanda asistencial que a crise sanitaria obrigou a adiar. Para isto, ampliaríanse os horarios dos centros de saúde e reorganizaríanse servizos.
Porén, a realidade nas diferentes áreas sanitarias, como confirman as propias Xerencias, dista moito do anunciado polo Goberno galego: non haberá ningún reforzamento de persoal para os centros de saúde, nin sequera no que atangue á limpeza das instalacións, algo fundamental na loita contra o coronavirus, xa que a limpeza e a hixiene son a barreira de contención máis eficaz.
Na práctica, a Xunta permite que os centros de saúde se limpen só unha vez ao día, ao careceren os centros de saúde do servizo de limpeza. Isto suscita «varios interrogantes e serias preocupacións» ante as situacións que se poderían dar polo uso dos aseos ou outras zonas comúns por parte de doentes sospeitosos de padeceren o COVID-19.
CCOO critica que as supostas medidas de reforzo da Xunta de Galicia consistan, realmente, en «sobrecargar aínda máis» os profesionais que xa prestan servizos na atención primaria, «os mesmos que ata hai poucos días definían como heroínas e heroes». Deste xeito, a «recompensa» da Administración sanitaria será cambiarlles as súas quendas de traballo, restrinxirlles o goce das súas vacacións e mesmo «racionarlles» o uso de equipos de protección individual.
A Federación de Sanidade de CCOO insta a Xunta a «deixar de facer política electoral» coas súas medidas, que non «negocie de costas» ao persoal e que os traballadores e traballadoras da saúde «queremos dereitos, non aplausos». O sindicato trasladaralle hoxe estas reivindicacións ao Sergas na reunión do comité central de seguridade e saúde.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
