Burela, a 2 de maio de 2020. Ante as declaracións realizadas polo alcalde de Burela, o socialista Alfredo Llano, en relación á adxudicación do novo contrato dos servizos de recollida do lixo, limpeza viaria, xestión do punto limpo e limpeza de praias que foi debatido no último pleno extraordinario celebrado de forma telemática; o Grupo Municipal do PP manifesta o seu rexeitamento ao que consideran “mentiras e ameazas do rexedor e o Grupo Municipal Socialista”.
É mentira que a adxudicación do contrato destes servizos municipais lle corresponda á mesa de contratación porque a competencia corresponde ao Pleno Corporativo segundo a memoria xustificativa do órgano de contratación aprobada no pleno do 29/11/2018 e asinada polo alcalde tal e como recolle o apartado C.1.
Na mesa de contratación non só figuran técnicos cualificados aos que o alcalde fai referencia; senón que tamén estiveron presentes o Sr. Llano e o Sr. Fernández, ámbolos dous representantes políticos. Así o recolle o apartado L.1. da memoria xustificativa. É máis, no apartado M.3. consta que “non procede a composición do comité de expertos ou organismo especializado de valoración dos criterios que dependan un xuízo de valor”. É dicir, non se tivo en conta a ningún especialista neste tipo de contratos; senón que foron o alcalde e o tenente de alcalde os que valoraron estas cuestión técnicas.
É o propio alcalde o que dirixe esta proposta ao Pleno tal e como consta na proposta de adxudicación do contrato do servizo de recollida de residuos urbanos do 15/04/2020.
Sobre as acusacións de irresponsabilidade vertidas polo alcalde sobre o Grupo Municipal Popular por votar en contra da proposta, queremos aclarar que o Pleno da Corporación é o máximo órgano de goberno dun concello e que os seus membros deciden, cos seus votos, o que estiman oportuno dentro da legalidade. Consideramos, ademais, que o único irresponsable é o señor Llano, que quere realizar unha subida de prezo de 156.000 €/ano no recibo da recollida de lixo; mentres acusa da súa incapacidade de xestión aos grupos da oposición.
Rexeitamos a perda das formas do alcalde durante o último pleno e as descualificacións por parte do señor Ramiro Fernández ao portavoz do Grupo Municipal Popular ao considerar que o seu comportamento dista bastante do dunha persoa que queira chegar a un acordo para acadar os votos necesarios para sacar adiante os temas que van a pleno. Ninguén en ningún momento se puxo en contacto con nós para negociar nada sobre o contrato de recollida do lixo en Burela de cara a este pleno.
Sobre as palabras nas que nos acusan de ser “moi pouco rigorosos” e “non argumentar” o noso voto en contra, queremos explicar que a proposta que levou o goberno local a pleno incrementa o custe do contrato actual en preto dun 24%. De feito, para coñecer máis detalles do contrato para a súa valoración, o portavoz do Grupo Popular preguntou se o contrato incluía a xestión dos colectores para a separación dos residuos orgánicos; pero o señor Ramiro Fernández non respondeu. Polo tanto, todo parece indicar que non a inclúe e, polo tanto, a contía final do servizo incrementaríase nus 80.000 euros e a subida sería, finalmente, de máis de 230.000 euros.
A emenda do Grupo Municipal do PP, igual que a do BNG, chegou en tempo e forma. Polo tanto, as propostas de cambio sobre as contías dirixidas a obras puideron ser negociadas e, incluso, se o señor Llano tivera consultado e consensuado previamente a proposta do Plan Único 2020 cos partidos da oposición antes de presentala, puidéronse ter evitado.
O Grupo Municipal do PP aclaraba na súa emenda as cantidades a dirixir a cada unha das partidas que consideramos necesarias porque nesta situación entendemos que hai que priorizar recursos:
un 10%, ata achegar aos 40.000 euros, cando menos, para o Servizo de Axuda no Fogar (SAF)
incremento da partida destinada á loita contra a Covid-19 pasando dos 10.000 euros propostos polo goberno socialista a máis de 132.000 euros
23.000 euros para unha nova obra de acondicionamento do peche e instalacións accesorias do campo de fútbol municipal de herba artificial da Marosa onde acoden centos de nenos a adestrar
O Grupo Municipal do PP non ten coñecemento da existencia de ningún expediente de remanentes que recolla os 200.000 euros que o alcalde asegura que o goberno local quere destinar a políticas sociais derivadas da Covid-19. En todo caso, consideramos unha vergoña que os presupostos deste ano están sen presentar cando o señor Llano xa anunciou publicamente nos medios de comunicación que os levaría a pleno en febreiro, logo en marzo, e dúas veces en abril.
GRUPO MUNICIPAL POPULAR
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
A artista manchega, coñecida pola súa mestura de raíz tradicional e sonoridades actuais, ofrecerá un directo íntimo e cheo de forza o sábado 20 de xuño ás 22:30 horas. Será unha noite para gozar da música con calma, entre amigos, nun ambiente próximo e acolledor, onde as cancións se comparten case como se fose unha conversa arredor dunha mesa. As entradas xa están dispoñibles en woutick!, polo que se recoméndase adquirilas con antelación para non quedar sen sitio nesta cita única.
José Luis Teso Celis é o vendedor da ONCE que repartiu estes cartos na localidade mariñá, desde o seu punto de venda situado na Avenida da Mariña, número 46.
Durante a xornada, entre 12 e 19 horas, realizarase un mural inspirado na obra Diálogo (1946) de Luís Seoane, que Maruja Seoane levou a tapiz ese mesmo ano. A organización convida a toda a veciñanza a participar con lecturas, conversas, cantos, bailes e un xantar compartido.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
