Bruxelas, 28 de maio de 2020. O eurodeputado socialista Nicolás González Casares considera que o Plan de Recuperación presentado onte pola Comisión Europea, Next Generation EU, supón unha oportunidade histórica para Europa e tamén para Galicia. “Trátase dun plan ambicioso que prevé novos mecanismos financeiros para afrontar esta crise, aliñado cos obxectivos de construír unha Unión Europea máis social e innovadora, pero tamén máis preparada para os retos dixitais e medioambientais”, asegurou.
“Este Plan supón unha oportunidade histórica para Galicia, e está na liña do defendido durante estes meses polos socialistas no Parlamento Europeo”, explicou González Casares. Esta nova ferramenta financeira prevé novos fondos para o Fondo Europeo Agrícola de Desarrollo Rural (FEADER) e o Fondo Europeo Marítimo e de Pesca, dous sectores de especial relevancia en Galicia.
Tamén o sector industrial se verá beneficiado deste novo plan. A proposta da Comisión Europea recolle ferramentas para favorecer a reindustrialización, así como máis recursos para financiar as políticas de Transición Xusta, que prevé fondos para axudar aos territorios, traballadores e sectores máis afectados pola descarbonización da economía.
O fondo, que dispón 750 mil millóns de euros, consta de tres piares: apoio aos Estados membros para a recuperación e a cohesión territorial; apoio ás inversións privadas e nova capacidade estratéxica; e novos retos da Unión, como un novo programa de saúde comunitario.
O eurodeputado socialista apuntou que agora se abre un período “no que é necesario analizar con cautela e en profundidade” as propostas da Comisión Europea. “Estes fondos estarán incluídos no próximo orzamento da UE e canalizaranse a través dos programas da UE, o que asegura que o Parlamento Europeo terá voz e voto no seu reparto”, asegurou.
“Con esta proposta a Comisión dá un paso histórico ao propoñer un plan de inversión financiado con cargo á emisión de débeda europea e pagado con fondos propios. Espero que os Estados membros estean á altura e que os máis reticentes, os autodenominados frugais, non poñan máis trabas a un plan necesario para a reconstrución”, concluíu.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
