O PP de Burela considera que a toma de decisións de Llano “chega moi tarde”

 Burela, a 5 de maio de 2020. O PP de Burela ve “con moi bos ollos”, como aportación inicial, os 400.000 euros que di o alcalde que vai a por a disposición do tecido socioeconómico de Burela, pero, advirten, “desconfiamos desta contía e de onde pensa sacar ditos fondos porque, ata o de agora, o que se nos informara aos partidos da oposición é que o superávit do ano pasado non chegaba aos 200.000 euros, a metade da cantidade manifestada nas últimas horas”. E continúan, “unha de dúas, ou mentía antes ou mente agora, non hai máis explicación posible”. Dende o PP pregúntanse así, “que credibilidade pode ter nestas circunstancias o Sr. Llano?”.

Neste senso, indican que se trata dun anuncio dunha contía que “xa está a chegar tarde”. “Esta medida tiña que habela tomado hai máis de mes e medio, e que, se ben para empezar non está mal, sempre e cando sexa realista e se concrete, consideramos claramente insuficiente”, afirman.

Dende o PP lembran, a este respecto, que “lle levamo dicindo que hai que tomar medidas concretas de calado, por exemplo, coma as dezaseis xa rexistradas polo noso Grupo Municipal, dende hai case que dous meses”.

Reunións que chegan tarde
Dende o PP de Burela poñen o foco que ao igual que está a facer co comité de seguimento do Covid-19, reunido tan só durante tres semanas das case que oito que leva imposto o estado de alarma, “as reunións coa ACIA e coa Asociación de Veciños chegan moi tarde, tal e como sucede coa toma de decisións”. “En todo o estado de alarma só se reuniu con estes colectivos nos últimos dez días”, conclúen.