Lugo, 14 de maio de 2020. A herba e as silvas medran abondosas nas beiras das estradas que dependen da Deputación. Un ano máis, demórase o inicio dos traballos de desbroce nestas vías de comunicación, cos conseguintes riscos para a seguridade, segundo sinala o viceportavoz do grupo provincial do PP, José Antonio García.
Os populares destacan que o socialista José Tomé é dobremente responsable de que, un ano máis, a Deputación empece máis tarde do desexable os traballos de desbroce das beiras das estradas provinciais. García afirma: “É dobremente responsable porque o é como presidente da Deputación e, ao mesmo tempo, como responsable directo da área de Xestión Territorial, que inclúe Vías e Obras, Parque Móbil e a Unidade de Proxectos”. Engade que como responsable de dita área, Tomé xa demostrou a súa falta de eficacia para defender os intereses da provincia, pero “seguramente dálle rendemento desde o punto de vista político e partidista”.
García sinala que a falta de desbroce nas estradas provoca riscos. Por un lado, para o tráfico rodado, dado que hai moitos sinais tapados, ou case tapados, pola maleza, o que constitúe un perigo para a seguridade vial. Por outro lado, é un risco no que se refire aos incendios.
O mesmo representante popular di que hai numerosas queixas de alcaldes e portavoces municipais porque cando intentan contactar co delegado de Vías e Obras na Deputación teñen moitos problemas para conseguilo. “Será que está moi ocupado atendendo asuntos propios da presidencia e non ten tempo para Xestión Territorial, da que parece que só se preocupa cando cre que pode obter rendibilidade política”.
García sinala: “Desde que o PSOE goberna a Deputación, é un clásico que a roza das beiras das pistas empece moito máis tarde do debido. O ano pasado, practicamente transcorreu todo o verán ata que se fixo o desbroce; parece que este ano o asunto non vai ir moito mellor”.
O PP esixe a Tomé, na súa dobre condición de presidente e de responsable da área de Xestión Territorial, “que se poña as pilas e faga o que ten que facer para que as máquinas empecen a rozar as beiras das estradas provinciais; non pode ocorrer o do ano pasado”. José Antonio García anuncia que os populares estarán “moi atentos a como se desenvolvan estas tarefas, tan importante para evitar o risco de incendio e de accidentes de tráfico”.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
