O conselleiro de Economía, Emprego e Industria, Francisco Conde, mantén unha reunión por videoconferencia coa Asociación de Empresas de Gran Consumo Enerxético (AEGE).
Santiago de Compostela, 8 de xuño de 2020. O conselleiro de Economía, Emprego e Industria, Francisco Conde, mantivo unha reunión, esta tarde, con representantes da Asociación de Empresas de Gran Consumo Eléctrico (AEGE) para avaliar a situación do sector en España. Nesta reunión, Xunta e empresas coincidiron en subliñar a necesidade inmediata dun prezo eléctrico competitivo para ofrecer unha solución tanto a esta industria como aos 5000 empregos a ela asociados en Galicia.
Neste sentido, tanto a Administración autonómica como o tecido empresarial agardan que o Goberno achegue unha solución definitiva na mesa de Alcoa San Cibrao convocada para mañá, xa que despois de ano e medio a prioridade sen resolver segue a ser a mesma: fixar un prezo eléctrico estable que permita á industria electrointensiva galega competir en igualdade de condicións co resto de Europa e evite o peche da única planta que actualmente produce aluminio primario en España.
Por iso, desde a Xunta e o sector inciden na urxencia de aprobar un Estatuto electrointensivo que achegue este marco enerxético e no que se teñan en conta as alegacións presentadas en Galicia e que foron consensuadas coa industria galega e cos gobernos de Asturias e Cantabria. Tamén é preciso un plan de investimentos específico que permita acceder aos novos fondos europeos e que, polo tanto, dea viabilidade e garantías de futuro a longo prazo a esta industria. Ademais, aínda está pendente de convocar a poxa de interrompebilidade para o segundo semestre.
En definitiva, unha vez avaliada con AEGE a situación actual desta industria, Conde sinalou que hai marxe de actuación e que o Goberno ten sobre a mesa os instrumentos necesarios para reverter a situación.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
