Santiago de Compostela, 3 de xuño de 2020. A Consellería de Cultura e Turismo vén de abrir o prazo de inscrición das novas accións formativas gratuítas en materia hixiénico-sanitaria destinadas aos albergues do Camiño de Santiago que se enmarcan no programa Galicia destino seguro posto en marcha pola Xunta para a mellora da formación dos profesionais do turismo e favorecer a súa adaptación á nova realidade.
En total, durante este mes de xuño ofreceranse 500 prazas gratuítas para os profesionais da catro provincias a través dunha xornada na que se achegarán medidas hixiénico-sanitarias para a reactivación dos albergues ante a covid-19. A finalidade é orientar as actuacións dos albergues na fase de reactivación da actividade para garantir a saúde no ámbito laboral tanto das persoas traballadoras como dos peregrinos e turistas.
A primeira das accións celebrarase o martes 9 de xuño cun webinario especialmente dirixido aos albergues da provincia de Lugo. A seguinte data será o 12 de xuño, tamén para os albergues desta provincia. Para os situados na provincia da Coruña están previstas dúas datas: o 16 e o 18 de xuño. Finalmente, para os establecementos das provincias de Pontevedra e Ourense o webinario celebrarase o venres 20 de xuño.
En todos os casos cada webinario terá unha hora de duración e dará comezo ás 11,00 horas. A participación e gratuíta e o prazo está aberto no apartado de formación da páxina web www.turismo.gal/galiciadestinoseguro. O aforo máximo de cada unha destas accións formativas é de 100 prazas, por rigorosa orde de inscrición. Ademais, unha vez rematado o webinario durante 15 días, porase a disposición dos albergues un servizo de asistencia online, onde se dará resposta ás dúbidas específicas de aplicación de ditas medidas hixiénicas sanitarias.
Para guías profesionais e cámpings
Xunto á formación para albergues, tamén se vén de abrir o prazo para a participación en cursos formativos sobre medidas para redución de riscos hixiénico-sanitarios no contexto da covid-19 tanto para cámpings como para guías profesionais de turismo.
No caso dos guías profesionais as datas son o 12 e 13 de xuño, con 250 prazas para cada un dos días e con inscrición gratuíta por orde de inscrición. Os profesionais vinculados cos cámpings teñen tamén pechada a data, neste caso do 11 de xuño, para recibir esta formación gratuíta e voluntaria. En todos os casos o prazo tamén está aberto no apartado de formación de www.turismo.gal/galiciadestinoseguro. Está previsto que durante o mes de xuño se programen novas accións formativas sectorializadas para outros campos do turismo que serán publicitadas na mesma páxina web.
Ademais das actuacións recollidas neste plan de formación, o programa Galicia destino seguro complétase con medidas de asesoramento e apoio económico ás empresas turísticas galegas para a súa adecuación ao contexto actual.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
